Press "Enter" to skip to content

Philippines Ram Ah Tuksapur Thihnak A Chuak Than Ve Ee

Philippines Ram I Nalgae Thlichia Hrangmi Ruangah A Thimi Minung (100) An Lonh Cang/ Sikpar[November] 2,2022_CCN Channel, Philippines ram Thlanglei ah Tho[Oct] 28 in Nalgae thlichia a hran caah leimin le tilianh a chuak i a thimi minung (110) an phan cang, minung (3) an tlau tiah theih a si.

Nalgae thlichia ruangah a thimi hna chung in a tam-u cu mahte uknak a ngahmi Bangsamoro hmunhma ah ummi an si hna. Atu Philippines ram i a hrangmi Nalgae thlichia cu Tuluk ram thlanglei a hoih cang tiah theih a si. Ref :TachileikNewsAgency /Reuters Photo: AFP, REUTERS/Eloisa Lopez, Philippine Coast Guard/Handout, Reuters/ Credit; CCN

Thawngdang: Nun hi… Jesuh/ Si seh ti kan duh ngaimi a si kho tawn lo i, Si hla seh ti kan duh ngaimi a si than hoi tawn. Sining nih a pek lo ruangah hawikom tha caah kan duh ngaimi hna pawngkam ah um ngam lo i, hlat kan duh ngaimi hna pawngkam ah um a si than hoi tawn. Hmailei caan kan thei lo ruangah le midang lungthin kan va thei lo ruanga kan tuahmi le duh kan I thimmi ah sungh zatlak kan tawn ton. Duh thimdingmi dang kan ngei lo ruangah le dirhmun nih a pek lo ruangah lungtling lo ngaiin le duh lo ngaimi i thim caan a um tawn. Nun hi thatein ruat ahcun a FAIR lo tak tak.

Kan duh ngaimi hna duh lo bantuk in I um ter a hau caan a um tawn i. Kan ngaituk mi hna, ngai lo bantuk in i um ter caan a um tawn. Dawtngai mi sin ah dawtlo bantuk in I um ter a hau caan a um tawn i, Dawt lo ngai mi sin ah dawt ngai bantuk in i um ter caan a um tawn hoi. Lungthin ah ruah peng bu in zeihman a thei lo bantum in i um ter caan a um tawn I, Duh ngai mi duh lo bantuk in I um ter caan kan phan tawn. Nun hi thatein ruat ahcun nihchuak capo a saimi zong kan lo tawn.

Reithei, thabat ngaiin kan tuan ko buin, Sungnak lawngte kan tawn i, heh tiah i zuam zong ah hnabeisongnak lawngte kan tawn caan a tam deuh tawn. Ralrin ngaiin cawlhcang zongah tuah sual le chim sual caan tampi kan tawn than i, Mi va lawmter kan va i timh mi hna lawmter kho lo in mithli he chia caan tampi a um tawn. Nun hi thatein ruat ahcun ka huam ti lo ka beidong tuk cang ti a fawi te.

A si hrim ko, nun hi mah bantuk in harsa a si ruangah, a ho poah nih mah bantuk harsa tukmi nun nuamnak a kan pek kho dingmi midang kan herh tawn hna. Zumtlak a si ngai mi kan herhnak vawlei ah hin zumtlak lo mi kan tam deuh caah lungreithei le hnabeidong caan voih tampi kan phan tawn.

Natein, Hawikom tha ding in Jesuh a thim mi hna cu beidong in an um bal lo, Van le vawlei serhtu Jesuh he an um tic aah an caah zeitluk a harmi vawlei zong ah nuam tein an um kho. Mah caah Jesuh tu hi I bohchan peng hna u sih. Note: Spelling mistake tampi a um lai caah nan ka thei thiam lai. Credit; Madison Lianching

Saiha hi dalan an si ko lo maw? ????????????????????????????? Zei tehte dah a hauh ti i, Mizoram hi a kaupi ko nain Kawl ram lei hriamnam an tlaihmi 100 ah 70 cu a bi bik te Saiha Mara District chung lawng in a si. Ruah awk ngai a um. Dalan lawng te si dawh an si ko hih. Lawngtlai ah hriam an tlaih ti kan thei lo tluk a si. An tlaih mi hnih khat hmanh AA ta a si.

Lawngtlai hna cu Bangladesh he ramri a si caah Saihla nak in a let zakhat in tlaih nak ding hmun a si. Aizawl le Lunglei, le Mizoram peng dang vialte hi Saiha nak in a let tampi in Hriamnam tlaih piak hmasat nak ding hmun lawng te an si… Asinain Saihla ah tlaihmi hi a dang vialte fonhnak in a tam deuh cang.

MDF an timi, Kawl ralkap hua loin Thantlang le Hakha huat hi ram dawt ah a rel mi phu zong khi Saiha lei idea deuh in a kal mi an si ti si. Cucaah zoh sawh sawh ding an si lai lo…. AA bochan phun in an bia a puam ngai. CNA zong nai te caa an thanhnak ah an ngiar len hna. Cucaah kih ah kih lawlaw Lum ah lum lawlaw ti in mit hnawm hi chem an hau cang ko lo maw? Credit; Jacob Pual

Be First to Comment

Leave a Reply

Your email address will not be published. Required fields are marked *