Press "Enter" to skip to content

Phun Tanh Donald Trump Nih Party Tanh Biden Cu 2020 Thimnak Ah A Tei Lai

Phun Tanh Donald Trump Nih Party Tanh Biden Cu 2020 Thimnak Ah A Tei Lai
—————————————————————-
Phun tanh Trump le Party Tanh Biden cu last debate an dih in an khua cio ah an kir i mipi sinah bia an chim.Trump bia a ngaitu cu rel cawk lo an si.Biden bia ngaitu cu a staff he an i zat theo lai.Trump bia chim lio ahcun 4 more years tiah an au.Biden bia chim lio ahcun a langhlo nak hmun in muko le chengcheng an tum piak.Polls ahcun Biden nih a den cincek.Nain Media ah hodah ka support tiah a chim duh lem lo mi a thli tein Trump a tanhtu (Hidden Supporter or Silent Majority) an tam a fiannak cu Trump campaign a tuahnak poah ah minung an tam mi nih a langhter.

Final debate an tuah hnu ah thil pahnih ka ruahmi a um.Donald Trump hi covid-19 ruangah a sung kho men.Nain final debate an tuah i a donghnak biahalnak i Biden bia lehnak ruangah Donald Trump nih teinak a hmuh lai tiah ka zumhnak a si.

Donald Trump nih kum 75 chungah oil le natural gas producer tambik vawlei cungah kan si i ramdang tambik a zuartu zong kan si.Hi nih rian tampi a ser i rian tuantu zong salary a kai. US mipi an khuasak nuncan tampi a thlen tiah aa phorhlaw lio ah-Moderator nu nih Biden cu hi kongah zeitindah na leh lai tiah a hal.

Biden nih oil industry nih pawngkam a hnawmh ter caah sehzung umnak pawng i a ummi hna an zaw cancer hna in an thi.Phaisa tampi an hmuh mi nakin an nunnak a him a bia pi deuh tbt in a leh.Tump nih a karlakah sehzung pawl cu na khar lai maw? a ti. Biden nih Yes a ti.Cutikah moderator nu nih zeitindah na tuah lai? tiah Biden a hal than. A lehmi cu-

renewable energy in ka thlen lai a ti (It has to be replaced by renewable energy).A chim duhnak cu oil le natural gas sehzung pawl kha hrawh in renewable energy timi solar,thli le ti merter in ngahmi energy kan hmang lai ti nak khi a si.

Hi ruangah Biden nih vote a sungh ding cu- Pennsylvania state hi president tlinnak dingah raltuknak hmun (battle ground) a si.Naite study an tuahnak ah Pennsylvania state ah oil le natural industry rian tuantu hi 322600 tluk an si.Natural gas tam bik a chuatu pahnih nak state a si.Nuclear power hmangin electric a hmangmi state pa (2)nak a si rih.Cun a cheu bak nih rawl chuannak ah natural gas an hman.A dang tampi a um rih.Biden nih oil le natural gas industry cu renewable energy ah a thlen ahcun minung tam tuk rian ngei loin an um lai.Thil man zong a kai lai.Hi ruangah Biden vote tampi a sung te lai.

Battle groud a si mi Ohio state zongah Biden i energy policy nih tamlak vote a sunghter te lai.Texas cu chim hau lo a si ko. Energy policy cu Green New Deal policy tangah a ummi a si i far left democratic pawl nih an au pi i Donald Trump zong nih Biden cu Socialist pawl nih an control tiah a soisel tawnmi cu final debate ah amah tein Biden nih sungh hri ah amah tein ai phuang sual cang. US thimnak ah Phun tanh Trump nih teinak a hmuh in kan chin ram zongah Chin miphun a dirpi mi nih teinak a hmuh ve lai. Atu lio te hi miphun dawt le dirkamh caan cu a si. By:Salai Tin Muang Win

Be First to Comment

Leave a Reply

Your email address will not be published. Required fields are marked *