Press "Enter" to skip to content

Phung Ning Lo in A Cawlcang Mi Hriamtlai Phu Cu Dantatnak Pek An Si Lai

Chin Ramkulh, Paletwa peng chung um khua pakhat ah khuami 6 a thattu hna hriamtlai phu pakhat cu dantat an si lai tiin CDF-Paletwa nih cathanh an chuah. Sami, Soe-Ni-Ka- Naung khua ah December 16 zaanlei suimilam 4:00 hrawng ah

hriamtlai pakhat a ra mi minung panga nih khuami minung pali le company rian ttuan minung pathum cu khualeng ah an kal pi hna i minung paruk an thah hna. Pakhat cu hliam a pu i Sami khua, sii-inn ah an thlawmh lio a si.

“Hi kong he pehtlai in CDF-Paletwa le khuami kar i theihthiam lo nak a um khawh leng ah palhnak ngei lo mizapi hriamnam he a that tu cu hlathlainak kan tuah lai i dantatnak tuah ding” tiin CDF-Paletwa nih cathanh an chuah.

Cu lengah “ khuami hna cung ah nuhrin covo buarnak komg ah ttuanvo lak ding” ti zawng aa tel. Soe-Ni-Ka-Naung khua cu Sami khua in miles 12 tluk aa hlat um mi inn 60 hrawng an umnak khua pakhat a si. Crd; the chin post

Relchap; Magwe ramthen, TaungDwinGyi Peng,Tapipin khua te ah Guitar tum pah in Fudum hngah pah ah twetitsa ti mi hla an sak ruang ah minung 7 cu December 17 chun suimilam 12 hrawng ah ralhrang nih an tlaih hna tiah thawng kan theih. Khua mi pakhat nih” Dacember 16 zaan ah khua pawng ah hngakchia pawl nih fudum hngah pah ah guitar tum in twetitsa ti mi hla an sak mi cu duh lo nak an lanh ter tiah khua uktu le dalaan nih ralhrang sin ah an chimh hna. Khua hngakchia deuh a si mi tlangvaal pawl le Nungak 7 cu an velh hna i an tlaih hna.

Rallokap pawl nih khua chung inn pawl zong ah an lut i sui, tangka le cycle pawl, phone zong an ii lak” tiah a chim. ChinTapipin khua i inn pawl cu ralhrang minung 100 hrawng nih an luh hnawh hna caah khua i a um mi mino cheukhat zong a him nak hmun ah an zaam ii ralhrang pawl nih khua luh nak lam in lam an kham tiah khua mi pawl sin in kan theih.

” Khuachung ah cun tar deuh lawng an tang cang. Khua uktu le dalaan nih mah khua mi ve ve a si mi cu har nak ii pek ding a si lo. Tu cu kan zapi in har nak kan ton cang” tiah a zaam mi pawl nih an chim. Khuami pawl tlaih khih an ton nak kong he pehtlai in TaungDwinGyi khua palik camp Kan hal tik ah ” mah kong he pehtlai in kan theih mi a um lo. camp zong ah an phan lo” tiah tuanvo ngei tu nih an kan leh.

ChinTapipin khua telh in a pawng kam khua pawl zong nih tu lio cu fuulak caan a si caah khua ii mino pawl an zaam dih caah kan ii harh ngai ngai tiah khuami pawl nih DVB ah an chim. Crd; The Chin Post

Be First to Comment

Leave a Reply

Your email address will not be published.