Press "Enter" to skip to content

Pohmah 505(a) Hmangin Sachia Pawl Nih Kawlram Minta Le Mintami Hna Taza An Cuai Hna

Kawlram cu Ralkap sachia nih February 1 in uknak a laak tthan hnu a tu tiangah buainak lawng te a si cang ko. Cu uknak an laak hnu thok cun mipi hna zong CDM ichirhchanh in lamzawhnak cu heh tiah tuah a si ve hmanhsehlaw ralkap lei nih an si khawh chungin kham an rak timh ve hna ti hmuh khawh a si.

Cu tikah nikhat hnu nikhat buainak cu zual chin lengmang kaw mipi lei nunnak a liam mi zong an tam lengluang cang i theih khawh tawk ah 500 reng lo hi a nunnak aliam mi an si cang tiah theih a si. Kawlram minta le mintami hna zong tampi CDM zul in lam a zawh mi an um ve len ti hmuh khawh an si.

Kawlram ralkap cu kan theih cio bantuk in Kawlram mipi hna cu zei ah an kan rel lo i duh paoh in tuah le thah kan si pinah zei tik paoh ah tlaih khawh dingin phunglam zong an ser, i tutan zong hi pohmah 505(a) in CDM i ai tel mi minta le mintami tthenkhat tlaih dingin tar langh cu an hong si.

Cu hna lak ahcun kan theih ngaingai mi le a lar ngaingai mi pahnih Eaindra Kyaw Zin le R Zani zong an i tel ve.Teirial catialtu nih alanghter ning tein a tangleiah hmanthlak he kan rak langhter hna lai. Ti hin an rak langhter “Ralkap uknak a dohtu Myanmar minthang hna chung in Pohmah 505(a) in tazacuaimi cheukhat an van langhter hna.”


Credit: Teirial Catialtu
Note: Hi ca hrampi kan laak nak hi Teirial catialtu in a si i, kan mah nih kan chap mi zong a um len caah aruah zia nan kan thiam nak lai kan in nawl hna, lih le hrakhrol belte zei hmanh kan telh mi a um hraw lo. Lawmhnak tampi he.

Relchap: Very Good News
β€”β€”β€”β€”β€”
Pu Tum Hrang le Pia Biak Thluai (Khuabung ) khua Family nih Kan Ralkap caah $10,000 (Thonghra)
Tuni ah kei msh sinah bawmhnak anpek CC upa minin Lunglawmh nak chimcawk lo kan ngei Bawipa nih kan Miphun caah Thluachuah chin ko hna seh.

Pi Biak Thluai cu (Chinchin Nu) tiin kan kawhmi Kawlram in Kan fa kan nau le Minung 300 leng Student Visa in Australia ah arak phakter tu hna kan nu Pakhat asi , Liamcia canah zeitluk indah Online chungin nanrak soisel timi kei mahnak in mipi tampi nih nantheih deuh lai.
Zeitluk indah miphun adawt timi cu mithmuh kuttongh bak si , Australia Laimi dihlak ah amah lawng Kan Ralkap caah $10,000 athawh mi sirih Kan Miphun caah bochan tlak le zohchunh tlak taktak mi chungkhar an si Kan ilawm tuk e.

TINT.A.CAR dawr ngeitu Tlangval Thomas Hlawnceu zongnih tuni ah Kan Ralkap caah $1,000 akan pek ,Mah pinah chuncaw einak $50 zong aka thenh chih rih Lamhla piin nakan rathnawh caah kailawm tuk tiin lunglawmh nakbia zong ka sinah achim chap.

Kan ilawm tuk Thomas Mino tenih atu ban tukin Miphun dawtnak le zawnruah nak nangeih mi ka hmuhtik ah Upat nak zong kan pek Bawipa nih atha bikin lam inhruai ko seh ,Kan Miphun pi nih Bochan mi si zungzal ko.

Student Visa in ara mi kan nau le International Genaration (IGZY) timi Team pawl nih kan Ralkap caah $400 anrak pekmi hi Kai lawmhnak angan khun Miphun dawtnak angeimi nih cun Can zohin ancawlcang Fb ah chim le au nakin $$ thawh aherh deuh ti an ifiangtuk Upat awktlak ka nau le kan ilawm tuk e.
Credit: Olivia Nu Cinzah (FB)

Note: Tu lio caan rambuai siling ah phaisa chawva tampi dih in ram dawtnak lungthin he abawmchan tu hna chungkhar Bawipa nih thluachuahnak in pe hna seh law, Hmailei nan lam tluang ko seh.

Be First to Comment

Leave a Reply

Your email address will not be published. Required fields are marked *