Press "Enter" to skip to content

Police Nih Meithal In An Kah Mi Myat Thet Thet Khai Nih Anu Sin Ah Sadahpiak A Kal Hlan A Biacah Hnar No A Tam Ko

A nu nih a fa sandah piah a kal hlan ah bia a cah ta ning zoh tik ah lungfak tuk a si ko e, a nu nih ralrin a hei pek ning le bia a hei cah ta ko ning zoh tik ah a fak tuk e. Ka fanu na rak kir lai ding ka ruahchan tuk nain, inn in na chuak hlan ah na nu nih ka fa i ralrin mu, na himnak ding caah tha tein i ven mu, na nu ka thinphang tuk. Ka nu Cycle luchin pei ka khuh cu cycle luchin nih a ka kham ko lai. Ka nu aho nih dah a ruah manh hnga? Kan ram daihnak caah duhlonak a langhtermi mipi pawl cu Meithatnak motor ti pipe in an kah hna, ri an chiahmi phung zong kan buar fawn lo.

Ka himnak ding caah keimah tein himnak ka kawlnak ah keimah thah dingin an kah ko mi cu, zeitin ka veng kho ve lai ka nu. Ka fanu na rak kir than lai ka ruahchan tuk nain, na nu nih mu, na thladem te hmanh ka hmuh manh lo tikah ka thinlung cu zeitluk in dah ka thinlung cu kekuai lo cu a um khawh ve lai, ka celh lo tuk ee ka fanu Myat Thet Thet Khai aw..

Ka fanu asi lo le a rak kir mi pawl, lam kal mi paoh le a rak ra mi pawl ka fanu Myat Thet Thet Khai zong a tel ve lo maw? tiin ka hmuhmi paoh ka hal hna lai maw? Ka nu na ka dawtnak vialte hmanh ka cham hmanh hlan ah ram pumpi caah ka nunnak a liam. Caan caan khat ahcun mu, mi zapi nih na fanu tah khoika dah a um tiah an i hal ahcun keimah ka fanu cu nusaltha taktak a si tiah raltha tein na leh khawh ve cang hna lai ka nu.

Mah cabia rel cu thinlung a kekkuai tuk hringhran ko, Kum February 9, 2021 ni ah ram le miphun caah a nunnak a liam hmasa bikmi nusaltha Myat Thet Thet Khai tuanbia ah a tang thai cang lai. Hi hnu zongah mipi nunnak tampi a liam kho caah duhlonak kan langhter tikah kanmah cio tein i ralrin cio hna usih.

Be First to Comment

Leave a Reply

Your email address will not be published. Required fields are marked *