Press "Enter" to skip to content

Preisident Pu B. Vanlaltanna Nih A Ram Chung Ah Zammi Palik Pa 8 Hna Himnak Dingah A Si Khawh Chungin Kan I Zuam Ko Tiah A Chim

Kan Unau Hna Himnak Dingah A Si Khawh Chungin Kan I Zuam: President, Mizo Zirlai Pawl

Ralkap uknak duh loin Mizoram ah a zammi palik minung 8 hna cu Chin ramkulh, Falam District in hotu nih kan sinah rak kua than hna u tiah Champhai District ah ca an tial.

Hi ruangah Chin mipi kan lungre a thei, a zammi palik zong an lungre a thei tuk ko lai. A ruang cu an kuat than hna a si ahcun an caah tihnung a si cang, an nunnak a him hrimhrim ti lo.

Hi kongah ka lungre a theih tuk ve caah Chin Post nih biaruahnak kan ngeih balmi Mizo Zirlai Pawl (MZP) Preisident Pu B. Vanlaltanna cu ca ka kuat tikah a tanglei bantukin a ka leh.

β€œKuat than ding hi MZP nih kan duh hrimhrim lo. Kan unau an si bantukin humhim le bawmh cu kan rian a si ti hi MZP lungput a si. Chief Minister le Home Minister zong kan ton cang hna i an kua than hna lai lo. Kan Home Minister pa zong nih kan unau an si i an caah harnak a si dingmi cu kan tuah lai lo tiah a chim”.

MZP lawng si loin Young Mizo Association (YMA) zong biatak tein an cawlcang ko tiah Pu B. Vanlaltana nih cun a chim.

β€œMatupi lei in palik 20 cu Mizoram, Saiha peng chung i Siasi khua ah an rak zam i Assam Riffles nih an tlaih hna. Cu thawng kan theih tikah a rannak in kan buaipi colh. Siasi khua upa, Mara Mino Bu (Mara Thyutlia Py) le MZP cawlcanghnak thawngin Assam Riflles nih cun Siasi khua upa le MTP sinah an ap hna i tha tein an zohkhenh hna” tiah Pu B. Vanlaltana nih cun a chim.

Hmaizarh nikhat ni ah MZP nih Mizoram ah a zammi hna bawmhnak le zohkhenhnak kong OB le Adviser hna meeting a auh i cu hnuah thawngpang fiang deuh kan vun thlah than te lai.

Crd: Chin Post

Be First to Comment

Leave a Reply

Your email address will not be published. Required fields are marked *