Press "Enter" to skip to content

President Donald Trump Le Amah Dirpitu Pawl Nih I Thim Nak Hman Lo Mi Kong Ah Biatak Tein Dohhram An Thok Lai An Mak Lai Hih

US rampi ithim nak cu tuchun nitiang in an buai i khatlei khat lei nih bia an chuah pi lengmang. Democratic party lei nih cun Biden cu president si dingin Electoral vote 270 a hmuh cang tiah an than cuahmah i vawlei cung media vialte zong nih an thanh dih cang. khatlei ah cun ram hruai tu cheukhat zong Biden lunglomh pi nak caah ca a rak thlah tu zong an tampi ve Asinain,Federal Election Commission nih cun tuini tiang bia zeihmanh an chuah rih loh i December thla chung ah thawngthanh nak an tuah te lai tiah an chim.

President Donald Trump le amah dirpitu pawl nih cun US rampi ithim nak ah thil tampi a um i Court kan phan lai tiah bia a chuah cang. Amah President Trump bak zong nih Supreme Court an thlen nak ding kong a chim dih cang i, November 9,tuni in ithim nak hman lo mi cu dohhram an thok cang lai. Supreme Court nih zeitin dah biaceih nak an neih lai timi cu a hman loh an ti nak hmun vote relthan ding mawkan thei kho rih loh i, a ho hmanh nih theihkhawh rih lo a si. Ithim nak tuah than ding maw? Biden lei dah an dirpi deuh lai? timi cu anmah lei awka chuak mi bia hngah a hau.

Trump le amah dirpitu pawl nih cun mithi cang mi hmangin vote , tlai hnupi ih vote cabawm cohlan le rel, vote chethhat hlonh,Trump i vote rel duh lo, Vote relka ah Trump nih hmai a hruai nain, vote reldan ti bantuk an i dinh ning ti bantuk dik lo mi a um nak kong cu an aupi thluahmah i, Court ah an kalpi ding kong zong a chim. Curuangah cun khatlei minung nih president hrang ah kan tling cang tiah an au khuang tuk cang nain, biakhiah nak hi a felfai kho rih loh. Febuary 20,2021 lawngah president sinak cu i hlan ding an si i, cuhlan chung poh cu buainak in a khat ko lai.

Trump mipi lei nih Official in phuannak zeihmanh a um rih loh tiah an ti i Biden mipi lei in Official zong in Biden nih Trump a tei tuk cang nain,Federal Election Commission in US mipi an buai tuk lai ding mi an phan ruangah Official in zeihmanh an thanh duh rih loh tiah an tang ve. khatlei khat lei in an tang tuk hringhran. An i doh thluahmah ko i thilsining hi a hnok thluahmah kho mi a si.Mah cu ah Supreme Court nih zeitin dah bia a chuah lai timi cu mipi vialte nih hngah cuahmah lio mi asi. Credit : VAPUAL AUAW

Be First to Comment

Leave a Reply

Your email address will not be published. Required fields are marked *