Press "Enter" to skip to content

President Trump Vs John Bolton

President Trump Vs John Bolton
************************************
President Donald Trump kutang ah thla 17 chung National Security Advisor a rak tuanmi John Bolton nih “The Room Where It Happen” timi cauk a tial I chuah a timh cang. Mah cauk chungah cozah biathli timi classified information tampi a tel caah President Trump nih chuah lo ding in ralrinnak a pek I court ah tazacuai lio a si. John Bolton le President Trump cu North Korea, Iran le Afghanistan kongah an ruahnak a kalh caah President Trump nih a rak phuahmi a si. John Bolton tialmi cauk chungah, Russia nih Finland kan ta an ti ahcun US nih Venezuela laak ding a si ve ko, US ramdang vuanci Mike Pempeo nih Bolton sin ca a tialmi ah, President Trump cu ‘full of s***’ timi biafang a hman, President Trump nih Tuluk president Xi cu 2020 election teinak caah US lothlo hna thlai cinmi tampi cawk dingin bawmhnak a hal timi pawl zong Bolton cauk chungah aa tial. President Donald Trump nih John Bolton nih a tialmi cauk chungah US cozah biathli tampi a tel caah criminal a si pin ah thil dik lomi tampi a tial chih” tiah a chim.

Supreme Court NIh DACA Program A Nunter Than
*****************************************************
Mexico ram lei in US ah phungning loin an nule an pa nih an rak luhpi mi kum tling lo hngakchia, DACA tiah auhmi [ Deferred Action for Childhood Arrivals] minung 65000 renglo cu President Obama nih 2012 ah caan karlak umnak nawl a pek hna I sianginn kai khawhnak nawl tiang a rak pek hna. Cozah bawmhnak zong tampi a nganh. Asinain President Trump nih phungning loin a lutmi hna cu US nih a ngeihmi immigration phung ning tein tawlrel a duh hna. Mah kong cu tuchun ah US biaceihnak zung sangbik Supreme Court ah an ceih I, DACA program cu dihter lo dingah vote an thlak, 5-4 in bia an chah. Trump a dirpi tu Conservative minung 4 le Obama sermi DACA a dirkamhtu liberal minung 4 veve an si I an I thluk. Cucaah a donghnak ah Supreme Court Chief Justice John J Robert nih DACA lei ah thimfung a thlak caah 5-4 in President Trump lei an sung. President Trump nih DACA pawl kongah democrats pawl he lunngtlinnak laak hmasa hnu ah DACA pawl cu zungzal umnak nawl pek thai a duh hna. President trump nih US Mexico ramri vanpang chonnak caah phaisa a herhmi zat democrats pawl sin in lungtlinnak laak in kum 10 chungah US citizen tiang pek ding in timhlamhnak a rak ngeih mi a si. Salai Lairamthang

Be First to Comment

Leave a Reply

Your email address will not be published. Required fields are marked *