Press "Enter" to skip to content

Prince William Coronavirus in a rak zaw.

British siangpahrang a___e ding Prince William cu April ah khan Coronavirus a rak i chonh tiah BBC nih a vun ttial. A pa Charles zong mah zawtnak hin a rak zaw ve ti a si.

Hi zawtnak biatak tein a vun karh khan Norfolk i siangpahrang chungkhar ngeihmi hmun le inn ah an dawng tein an rak i erh. An pi Elizabeth tu a dang tein a um. Chuah ni zong Zoom le Online in an rak tuah.Atu hi UK cu Coronavirus an i chonh tuk caah an rengh taktak lio a si.
Teirial catial tu page ta ka lak mi si

A tang hi thawngpang dang asi:

Tutan Vice President pu Henry Van Thio laitlang a rak tlunnak kong ah cheu khat dohkalhtu Party member hna nih cun Chin ram NLD caah politics an rak tuah piak hna tiah soiselnak a um.

Vice President Van Thio hi Myanmar ram hruaitu Vice President pakhat a si rih. a rian le a thutden in aa din rih lo. cucaah zeitik caan poh ah Chinram le kan ram pi caah cun a herh ning in rian a tuan ding a si ko. a bik in Cozah an hruai lio riantuan mi cu a fel khawh chung in riantuan a duh caah a si.Hihi dohkalhtu hna nih cun an hngalh thiam lo caah NLD party caah politics a tuah a si tiah an soisel.

Tutan Hakha le Falam a kalnak zong ah Hakha le Falam peng NLD caah politics a tuah mi a si. campaign a tuah pi hna asi ko tiah an soisel hoi. A taktak le ngaingai ti ahcun 2020 thimnak a nai cang i aa cuhnak ding mee hmun hmanh ah duhdim tein tlawng thiam lo in kan chin ram sersiamnak rian tuan le zohfelnak in caan a pek deuh. Thim lai ahcun vote ngeitu peng le mipi hna sin ah caan pek zong a herh ve mi le a duh mi zong a si ko nain Chin Rampi thanchonak zawnruah ruang ah a rian tampi lak ah Hakha peng le Falam peng zong a caan tawite chung ah riantuan ning zohfelnak a ngeih h a si.

Cozah riantuan tu si lio ahcun zeitik caan poh ah riantuan mi zohfelnak tuah khawh a si. hi bantuk in soiselnak tuah hi nutling le patling khuaruah ning zong a si lo. Cucaah atu tan Vice President Van Thio laitlang a rak tlun hi Chin Miphun ca rian kemh chih in le thimnak mee hmun lei khual tlawng dingin a rak tlun hi a si. NLD party ca men ah a rak tlun mi a si lo ti kha mipi nih ruat hna usih.
By:Rolian Thang

Be First to Comment

Leave a Reply

Your email address will not be published. Required fields are marked *