Press "Enter" to skip to content

Pu Joe Biden Cu A Lo Bak Ko Cang Hih Mithi Cia Vote A Lak Mi Cu Mithi Mi Hna Min He Fox News Nih A Phuan Ko Cang

Pu Joe Biden nih mithil cia vote a thlakter hna tiah an chim phuan lengmang mi cu Fox News Tucker Carlson nih vawlei pi hmai ah a phozar taktak ko cang hna hih.Fox News Tucker Carlson nih a chim nak ah cun Joe Biden nih teinak hmuh duh ah a thi cia mi hna vote a fir mi hna cu tampi a um.cu hna chungah minung 25 hna cu an min le an thih ni le thla tiangin theih khawh an si cang.cu pin ah Pu Joe Biden nih vote a hmuh mi chungin minung 41,000 tluk hna cu a luancia kum 10 chungah an thih le an nun,an um nak tiangin theih lo mi vote aa tel tiah a chim fawn.

Hi thawngpang theih a si hlan in Georgia secretary of state nih cun voter cu a thar in rel t’han dih a si lai tiah mipi sin ah thanhnak a tuah cang.mithi cia hna vote lak ah minthang taktak mi Deborah Jean Christiansen min in vote a tel ve caah Fox News nih cun mah hi Deborah Jean Christiansen hi thlanchungin maw a rak thawh i vote hi a rak thlak!minthang Linda Kessler cu a luancia kum 17 lio ah a thi cangmi a si.mithi cia minun 25 hna hi Thlan chungin an rak tho ta le maw vote hi an rak thlak khawh?cucu thil si kho a si maw? tiah biahalnak zong a tuah.

Cun,Nevada vote tla mi telh lo in Pennsylvania ah hin mithi cia mi hna vote 3,000 a tel rih.curuangah Trump campaign nih Pennsylvania ah lawsuit 15 bak an tuah.Georgia, Arizona, Nevada & Michigan ah hin mithi cia vote cu thong tamtuk a um t’hiam.cu vialte hna cu kherhlai cuahmah an si.Trump campaign nih a tu ah Clark County, Las Vegas telh in Nevada Supreme Court ah taza an cuai cuahmah tiah theih a si fawn.

Joe Biden Chim Mi: President Trump nih tutan ithimnak ah ningcang lo in vote fir mi le kum tling lo vote thla mi,vote hlawnhmi ningcang lo thil tampi a um caah kherhlainak ka tuah ta a hau tiah a tawl rel cuahmah mi cu Joe Biden nih mah tin hin leh nak a vun tuah t’han rih.Trump nih vawlei pi le mipi hna hmai a mual a photer cuahmah.thil sining te a si ko mi a mah le mah mualpho ter duh ah vote tla cia kherhlai nak aa tuah ter.mah hi pasal taktak a si lo nak a langhter tu a si.Trump cu ningzak taktak a si.teitu cu kei mah kha ka si bantuk in a dih dongh tiang zong teitu ka si peng ko lai tiah a chim.

Trump nih cun mah tin a vun chim ve rih Joe Biden nih mipi hna cu zei tluk in dah a dehhlen hna ti cu”ballot ” kan vun kherhlai tik ah fiang tein a lang cuahmah caah teitu cu kei mah Trump kha ka si lai!zeicatiah Biden nih electoral corruption hmangin rak ka tei hmanh sehlaw electoral corruption cu rinhchanh tlak a si lo.cucaah “Ligal vote” lawng kan rel cang tiah a chim.Trump biachim ning te in US Secretary of State Mike Pompeo zong nih a nawlh ve pin ah Trump nih a term hnih nak a peh t’han lai tiah a chap rih fawn.Senate Republican leader Mitch McConnell nih cun Trump nih battleground state Pennsylvania court ah tazacuai nak a tuah ning bantuk in nawlngaihnak zong a nei i, Vote kherhlainak kongah dinfelnak a neih caah full power pek a si fawn tiah a chim.

Joe Biden nih zahan a chim mi.Democratic Presidential candidate Joe Biden nih tutan US ithimnak ah tei nak ka hmuh cangmi kongah Trump nih cun a mah duh paoh in Election Result cu thlen-nawn a timh.a duh tawk in vun cawlcang hna seh.Election Result cu duh paoh in thlen-nawn khawh dingah maw nan rel? Trump nih a sungh nak le a der nak cu ningcang tein a cohlan awh a si ko tiah fak lak in a phomh t’han hna.

Media tampi nih a langhter mi cu Trump cozah nih Election Result cu a dik le dik kongah kherhlai nak an tuah cuahmah lio ah Pu Joe Biden nih cun White house ah luh dingin timhlamhnak a rak nei cuahmah ve tiah an chim.asinain Trump nih cun Election Result kherhlainak kan tuah mi a dih hlan ah cun Pu Joe Biden cu White house ah a lut kho lai lo.White house in ka chuak kho rih lo tiah Trump nih fiang te in a chim.

Trump nih White house in ka chuak kho lo timi kongah Joe Biden nih cun US nih ruahnak cheutu “advisors”a ngeih mi hna cu a va ton tik hna ah January 20, 2021 ah khin sunglawi taktak White house, office a luh nak ding caah timhlamhnak a ngei cuahmah cang tiah theih a si fawn.US secretary of state Mike Pompeo nih cun US nih upadi a neih mi ning tein state kip ah Election Result cu kherhlainak kan tuah cuahmah,a tu tiang thil umtu ningah cun Trump nih tei nak a hmuh t’han lai tiah a chim.

Hi lio ah Russia, China, Mexico, Brazil, Turkey le Slovenia hna nih cun Joe Biden sin ah lomhpi nak an chim na in,Israel ram nih cun US ithimnak ah Official tein tei nak a cotu kongah thanhnak an tuah hlan cu mi zei hmanh lomhpi nak ka tuah ngam rih lo.Offcial tein thanhnak an tuah tik paoh ah “teitu”a si mu cu lomhpi nak ka tuah ve te lai tiah a chim.

Be First to Comment

Leave a Reply

Your email address will not be published. Required fields are marked *