Press "Enter" to skip to content

Pu Ngun San Aung nih Hakha khuapi tthanchonak committee chungtel ah bochanmi Hakha khua upa 6 rian a khinh hna i cu chung ah cun>>>>>>>>>>>>>>>>>>>>.

Pu Ngun San Aung Riankhinhmi Hakha Khua Upa 4 nih an Cohlang Lo
=============================================
———–
Chin ramkulh Administrative Council Chairman Pu Ngun San Aung nih Hakha khuapi tthanchonak committee chungtel ah bochanmi Hakha khua upa 6 rian a khinh hna i cu chung ah cun atu tiang ah upa 4 nih an cohlang lo, tiah kan theih.
Pu Thawng Kian nih, “Kei cu ka cohlang lo. An ka thiahmi zong ka thei lo. Cun, mah rian hi ka thiammi zong a si lo caah ka cohlan nakding sullam a um lo,” tiah a chim.

Dr. Thla Cung le Pu Chum Ling zong nih an cohlang lo tiah kan theih.
Dr. Thla Cung nih, “Keimah le Pu Chum Ling nih cun kan cohlang lo. Ka Facebook zong ah zapi theih in fiang tein ka ttial ko kha,” tiah a chim.

Pu Ral Kham zong SAC Hakha tthanchonak committee chungtel ah rian an khinhmi a cohlang lo, tiah a tunu nih nizan ah a chim.

Pu Cung Hu tu nih cun, “Mah hlan khan voi khat an rak ka chimh i ka al hna. Atutan an ka khumh i ka thei lo. Ca an kan pek hnu lawng in ka theih. Kei cu ka ngandamnak zong nih a pe lo. Zatlangbu lei riantuan ka si i, acozah lei rian hi ka thiammi zong a si lo. Asinain, anmah (SAC) ttuanvo ngei upa ka ton ta hna lai i ca in rak ttial an ka ti a si le ka ttial te lai,” tiah The Chin Journal ah a chim.

Hakha tthanchonak rian committee chungtel ah an khumh vemi Pu Thla Bik tu cu atu tiang kan pehtlai kho lo.

Crd: The Chin Journal
April 13, Hakha

Be First to Comment

Leave a Reply

Your email address will not be published. Required fields are marked *