Press "Enter" to skip to content

Pu Zobawi le Pu Khua Bil: Biachim’mi ah Aibur Mino nih Statement an chuah cang.

1. Kawlram Ramkomh Rampi Thimnak Pi (General Election) cu 2010 Kum, 2015, le a ra lai mi November 8, 2020 Election tiin General Election voithum tuah a si cang lai. Zauk phun (Democracy) hruainak ah thimnak hi a biapi tuk mi a si caah thimfung a pe kho dihlak thimfung pek cio ding ah kan in sawm hna.

2. Tutan thimnak ah Thantlang Peng No.2 Constituency chungtel kanmah Aibur khua ah National League for Democracy (NLD), Union Solidarity Development Party (USDP) le Chin National League for Democracy (CNLD) in Party ngan pathum pin ah Independent in Pyithu Hluttaw le Pyine Hluttaw No. 2 in MP an i cuh hna lai. Thimnak tuah tik paoh ah Aibur khua mi zong nih mah le ramkhel zumnak le tanh mi Party cung ah zalongte in duhthimnak he thimfung kan thla zungzal tiah kan pom.

3. The Hakha Times Vol. 1, No. 1 ah Chinram NLD Chairman Pu Zo Bawi nih Aibur upa ka hal i Pyitu Hluttaw Salai Salai Van Bawi Lian, Amyotha Hluttaw ah Pu Henry Van Thio le Pyine Hluttaw ah Salai Lung Thli Tum thimfung an pek lai tiah a chim mi le Hakha Times Vol. 1, No. 2 thiamthiam ah Aibur CNLD Secretary Pu Khua Bil nih Pu Henry Van Thio le Salai Lung Thli Tum hrimhrim thimfung kan pe hna lai lo tiah an timi hi Aibur Mino Bu (Aibur Youth Organization) nih Aibur kan dirhmun le kan ceih mi a si lo caah Hakha Times ah Pu Zo Bawi le Pu Khua Bil nih an chim mi hi anmah pumpak hmuh nak a si tiah Aibur Youth Organization nih kan cohlan.

4. Zauk Phung ah thimnak cu mah le duh mi Party le pumpak thim khawhnak nawl hi a biapi tuk hringhran. Cucaah 2020 Kawlram Thimnak ah Aibur mizapi nih mah le duhmi Ramkhel Party le Minung ah Thimfung nan thlak cio nak lai le Aibur khua aiawh dirhmun a silomi Party minung le pumpak ruahnak an chimmi cu Aibur khuami le Chin mi kakip a ummi nih nan izumh sual nak hnga lo biathanh kan chuah.

Executive Committee
Aibur Youth Organization
Pehtlaihnak – 09456111581, 09265939887, 09259153892
Laknak:The Chinland Post

Be First to Comment

Leave a Reply

Your email address will not be published. Required fields are marked *