Press "Enter" to skip to content

Pu:Ceu Hlei Sang nih a kan tlau tak;By The Hakha Post

Mangkheng khuasa, Hakha khua mi Pu Ceu Hlei Sang (Sang Aa) cu Vambai khua ah thing put in an i hlawhfa i, an riahnak buuk in October 24, Zarhte zaan ah a tlau.

Pu Ceu Hlei sang cu Hakhathar sang um Pi Men Sung fapa a si i kum 33 a si.Vambai khuami nih an kawl len nain an hmu rih lo. A hmutu nan um ahcun Phone No. 09400304969 asiloah 09263759963 ah thawng nan kan thanh naklai kan in nawl hna.Mah hi The Hakha Post nih a tial mi asi an mah nawl lo in ka thlah mi a si a biapi mi asi caah an ka theithiam lai zong ka zumh ko.

A tang hi a relchap duh mi caah:

(1) Miphun dawtnak cu nuhrin nakin i chuahpi mi a si lo. A cawn in cawn a haumi a si. Nihin Chin Miphun hna zong nih Miphun dawtnak hi kan cawn hrimhrim a hau.

(2) Chin miphun hna, u le nau hna kan ih sawhsawh ding a si lo, kan t’hut sawhsawh ding asi lo. kan hmurka in kan miphun le kan ram caah tiin au sawhsawh lawng kha atu hi a caan a si ti lo. Tuahsernak a herh cang. Kan pumpak in kan i tel khawh lo hmanh ah kan ngeihchiah, kan ruahnak tampi he kan itel a herh. Kan umnak ai khat lo hmanh ah, cu kan umnak cio in cun rian kan t’uan a herh.

(3) Ramchung i a ummi kan miphun hna an si a fak, kan cawl kho lo tiah kan t’hut i, mi an chimmi, mi nih an kan tuah-tomi paoh kan i ing ko asi ahcun, zeitik hmanh ah luatnak kan phan lai lo. Luatnak a duhmi miphun hna nih an nunnak an thap i, an ngeihchiah dihlak an thap tawn.

(4) Kan Thazaang hi khoika hmanh ah a um lo, UN zongah a um lo, US zongah a um lo, khuazei ram hmanh ah a um lo. Kan Chinmi kut cung lawng ah a um. Kan Chin miphun nih luatnak kan duh, zalonnak kan duh a si ahcun “kan ram kan kutcung phakter” kha kan luat ni a si ko.

Be First to Comment

Leave a Reply

Your email address will not be published. Required fields are marked *