Press "Enter" to skip to content

R.I.P : A Hawi Le Pawl Cu Facebook Chungin Mangtha A Cah Ta Hna I Inn Cung In A Zuang I A Thi

Malaysian ah a um mi nu pakhat kum 26 a upa mi nih cun, November 16, nazi 12:30 pm hrawng ah khan shopping mall in chhawng sang taktak ah a zuang i a mah le a mah a nunnak ai la tiah thawngtheih a si.

China Press nih a langh ter ning in, Khoo tiin an kawh mi kum 26 i a upa mi hi restaurant ah secretary riantuan lio siin, leibâ a ngah tuk tiah an chim. Amah tanpi ding in social worker-te a ngen tawn hna i, hmun 3 ah loan a cawi mi cham ding a nei ti a si.

Social worker Peter a chim ning ah cun a loan a lak mi kongkau ah Khoo he an i chawnh nak kong a chim i, a nu zong nih phaisa rak kuat in, Peter bomhnak thawng in, a leiba zong a cham tiah a chim. Sinain ruah lo tuk in a thaizing ah in dot sangtak mi ah a zuang i a nunnak ai la tiah thawngtheih colh a si.

A nunnak ai lak lai zan ah hin, Facebook lei ah Khoo nih cun a dongh nak bik biacah nak le, mangtha a cah nak hna kong cu a langh ter i “Ka nunnak hi hlawhchham nak lawngte an si dih. Thil tam tuk te hi ka ti sual mi a um i, minung tampi ka caah thiltha a tuah tu pawl hi fahnak ka pek hna. A pawi ka ti tuk e tiah ca a tial i a post.

Thil phanh ning kongkai ah hin dothlat nak an nei cuahmah lio rih tiah thawngthanh nak an tuah. Credit. : Zonews

Be First to Comment

Leave a Reply

Your email address will not be published. Required fields are marked *