Press "Enter" to skip to content

R.I.P : A Nungak Nu Doctor Nu Nih Covid 19 Zawtnak A Ka Chawnh Tiah A Ruah Ruangah A Thah

Male nurse Antonio De Pace kum 28 mile a nungak nu Doctor Lorena Quaranta kum 27 mi cu Italy ram Sicily Messina Hospital ah rianttuan ttimi an si i an i theih in canrau lote chungah an i duh i hmunkhat ah khua an sa tti.

Messina sizung ah cun covid -19 i, a damlo mi zohkhenh in an ttuan. Antonio De Pace le a nungak nu Lorena Quaranta cu ruahlo pin an i si i Messina an umnak in ah march 31 ah khan Antonio nih a nungak nu Lorena cu a thah.

Report i a langh ning ahcun Antonio nih hin a nungak Lorena a cal ah hliamhma fak taktak a um a cal ah thir in a sawh i a hngawng ah fak taktak in a dih tthan hiti Lorena a thah khawh hnu hin Antonio cu namte ai lak i, a baan ah a mah ten nam in ai at ti a si. A rannak in a ttuanpi hawi hna nih cun sizung ah an kalpi colh i an chanh manh ti a si.

Antonio nih a chimning ahcun mahti a nungak nu Lorena a thahnak a ruang bik cu Covid -19 a ka chonh caah tiin a chim. Sinan a hnu ah tthate an check hnu hna ah an pahnih in Covid-19 zawtnak Virus ai Kai lo veve tiah tarlangh a si. Antonio nih hin hithil hi timh ciammam in a tuahmi a si caah hremnak fak taktak tuar dingin a phu.

Be First to Comment

Leave a Reply

Your email address will not be published. Required fields are marked *