Press "Enter" to skip to content

R.I.P : Apoi Tuk Hringhran E US Um Pu Mang Hre Nih Mual A Kan Liam Tak

A poi hringhran ko mu tu lio kan vawlei khuacaan zoh tik ah lung a fak hringhran ko. kan hnu deuh zongah khan kan chin miphun nih thih loh nak fak ngai kan rak tong. Accident nak in hei ti si loah ti tlak nak in ti pawl ah thih loh nak fak tuk kan rak tong a tu tan zongah Us ram kan chin miphun chungin thih loh nak thawng kan van theih tthaan hi cu a poi tuk ko e.

“Dawtmi nulepa ulenau hna, Kan khrihfabu chungtel, kumkhua in kan pabik a simi Pu Mang Hre (92) (Hrang Chum Ling pu) nih zahan zaanttim 12:45am ah a dawbiktu Pa Pathian sinah zungzal ca in a kan dinhtaak caah khrihfabu kan ngaih a chia ngaingai.

Kan Khrihfabu chung ah a fale pali an um. Pi Ngunlen Khengmual (Hrang Chum Ling nu), Pi Tha Khun (San Tial Hlan nu), Pu Ngun Tha Lian (Lily Biakcin Par pa) le Pu Ni Siang Mang (Grace Roden Par pa) hna hi an si. Taantak mi chungkhar caah thla caampiak hna usih. Khrihfabu nih thutpi ngaihchiat hrawmpi nak; A hmun: ICBC Biakinn, A ni: February 8, 2021, A caan: 6:00 pm, Thlantlak ni : February 9, 2021, Body view: 9:30 am – 10:00 am, Service: 10:00 am – 12 noon.

Pehtlaihnak: Pastor V Tluang Thang (Cell – 317-938-2282), Pastor Lal Cung Awi (Cell – 317-727-7726), Zunngeihpar pek a duhmi nih Pastor Hrang Cung hnin (Cell – 317-986-0760) sin ah peh khawh a si. Thil aa thleng mi a um ah cun, thanh khawh than kan izuam te lai. Ngaihchiat hrawmpinak he, Pastor V Tluang Thang, Indiana Chin Baptist Church 8528 Madison Ave, Indianapolis, IN 46227, (317) 938 2282 – Cell, (317) 300 9901 – Office”. Tan tak mi chungkhar Bawipa nih hnemhram ko hna seh.

Be First to Comment

Leave a Reply

Your email address will not be published. Required fields are marked *