Press "Enter" to skip to content

R.I.P : Bochan Mi Pu Ni Kung Nih Mual A Kan Liam Tak E

Apoi tuk hringhran ai e. Ngaihchiatnak thawngthanh ” Chinmi le Hakha thlantlang laimi kan pa, Yangon Lai Chiat That Bu a kan dirhpi tu le Chairman zong caan saupi a kan ttuan piaktu, Yangon um pu Ni Kung kum 70 (District Officer GAD Ret) cu september 23, zaan suimilam 10 ah khan Yangon General Hospital ICU khan ah kaal le chunglei dam lo nak in Pathian sin ah a kan dinh tak cang. Tantak mi chungkhar le Unau vialte nan ngaihchiatnak Pathian tu nih inhnem ko hna seh. mychinland

Thawngpang dang relchap : Hakha khua hmun tampi ah meithal le bomb thawng a thang
——–
Nihin September 23, zaan suimilaam 6:30 hrawng in Hakha khua hmun tampi ah meithal le bomb thawng theih than a si. Hakhathar Lamruk tonnak, Lungphun Tlang, Hakha University le Chin Oo Si sang ah meithal le bomb thawng pehtlai in theih a si tiah sangmi hna sin in kan theih.

“Hakhathar, Chin Oo Si sang Cozah Zung hrawng le University Sianginn hrawng in kan theih. Leisen lei hrawng zong in a thang mi a lo nain khoika set in a si cu kan thei kho lo,” tiah Dawrthar sangmi pakhat nih The Hakha Post ah a chim.

Bomb le meithal thawng a than hnu ah Khuathar sang lei in Hakhathar lei ah Council ralhraang tam nawn ke in an kal i an hnu in motor pahnih nih a zulh hna tiah kan theih nain, The Hakha Post nih kan fehter kho lo.

Tu zaan meithal le bomb puahkehnak ruang ah a thi mi le hma a pu mi an um le um lo theih a si rih lo. Hi thawng kan tial lio zaan suimilaam 9:50 tiang ah meithal le bomb thawng a dai rih lo.
#TheHakhaPost. Credit : The Hakha Post

Be First to Comment

Leave a Reply

Your email address will not be published. Required fields are marked *