R.I.P : Chin ramkulh fimthiamnak lutlai hlun Sayakyi Van Kyi a nunnak liam

Chin ramkulh fimthiamnak lutlai hlun Sayakyi Van Kyi a nunnak liam. Chin ramkulh fimthiamnak lutlai hlun Sayakyi Van Kyi kum 92 cu September 16 zinglei suimilam 6:10 ah Neypyidaw ah a nunnak a liam. Sayakyi Van Kyi hi Falam peng Locom khua ah a chuakmi a si.

Anih hi B.A., B.Ed. (R.U), Dip. in T.E.L.F (Cardiff, UK) Degree a hmuh hnu ah UK ram ah fimthiamnak a cawngmi a si. English-Chin Dictionary zong a chuahmi a si. Credit : The Chin Post

Thawngpang dang relchap : Kachin ramkulh, Hoepin pengah ralhrang phu hna nih mino cheukhat an tlaih hna

Kachin ramkulh, Hoepin peng Takun khuaah nizaan September 14, zaanlei suimilam 5:40 hrawngah ralhrang phu hna nih khuachung mino cheukhat an tlaih hna tiah theih a si.

Meithal puah thawng le bomb puah thawng theih hnu ah ralhrang phu hna cu khuachung ah lut in mino minung 10 nak tlawmlo cu an tlaih hna tiah khuachung in a hmu tu pakhat nih The 74 Media ah a chim.

“Khuachung ah an meithal he a phu phu in an ra, inn chung in ka bih hna i ka hmuh khawh tawk cu minung 10 nak tlawmlo cu an si ko. Ralhrang motor cung ah mino hna cu an kut an lu cung ah an chiahter hna, nu cu an i tel lo. Zeiruang ah an tlaih hna cu ka thei lo, lam ah an hmuhmi mino poah kha an tlaih hna” tiah a hmutu hna nih cun a chim.

Takun khua mino tlaih a tong mi hna cu khoika hmun ah an kal pi hna theih a si rih lo, ralhrang phu hna zong an kir rih lo caah thinphang a si ko tiah a chimchap.

Ralhrang phu hna cu ralhrang thuam, mipi thuam sawh he an hriam thil put in minung 30 hrawng cu high school sianginn ah umhmun an khuar tiah theih a si. Credit : The Chin Post