R.I.P : Chinmi Chungin USA Ah Motor Accident An Tong I A Nunnak A Liam Apoi Tuk E

Hi thawngpang hi nizan tihni i a cangmi a si i a thei lomi tampi kan um rih caah le mipi i ralrin nak ca zong ah siseh ngeihchiatnak a tuarmi hna tuarpi nak ca ah tiin kan rak thlah ve mi a si . US,Indianapolis Chinmi tampi um nak ah motor i pahnak faktuk a chuak i minung pathum an thih phah i a thimi minung pathum lak ah Chinmi pakhat zong ai tel tiah theih a si.

Holt Road Highway lampi ah a diklo ningin a rak dir lio ko mi motor pakhat cu palik pawl nih nunchimh dingin an va fuhpanh i palik pawl a rak hmuh hna bak cun a ran nak in wrongway in a motor cu a mongh i a zam colh ,a hnulei in palik pawl nih an dawi ve ti ai theih ve fawn caah a motor cu rang taktak in wrongway cun a mongh chih i Chinmi Jepthah Lal pan Lian i a motor mongh mi cu a va pah.

Motor a va pah ning hna cu a fah tuk caah a hmun ah minung 3 an thi colh .Motor diklo tak in a mawngtu pa hi a min ah Aaron Negash (Kum 28) a si i a pah mi hna cu Chinmi Jepthah Lal Pan Lian le a phurhmi pakhat an si .Motor an i pah ning a fah tuk caah a pahtu siseh a pah mi hna pahnih siseh a hmun ah an nunnak a liam colh.

Chinmi Jepthah lal Pan Lian nih a phurhmi pa hi mi zeidah a si timi cu palik pawl nih hlathlai nak an tuah colh ve .Jepthah Lal Pan Lian (Kum 34) cu Myanmar ram,Sagaing ramthen letpanchaung khuami a si i a pa cu Pu Tuan nei Pum a si . (Fire Department Indianapolis ,fox 59)