Press "Enter" to skip to content

R.I.P : Chinpa Malaysia Ram I Mual An Kan Liam Tak Mi Kan Unau Pa A Ruak Cu Kawlram Ah An Tlunpi Cang Lai

Malaysia, Sentul i rian a tuan mi chinpa Khai Khua Hau (kum 31) cu February 2, 2021 ah an kan liam tak. Kawlram i an khua cu Chin ramkulh, Laaitui khua a si, a nulepa cu Pu Gin Khat Pau le Pi Cing Khan Lian an si.
Malaysia ZCF Bethany ah aum i a riantuan nak ah an boss pa nih innkhan a pek. Malaysia ram lockdown MCO (PKP) ruangah riantuan kho loin can saupi chung an um i, February 2 ah khan ai hngilh i a tho kho ti loh ti a si.

Malaysia ram ah Chinmi ai hngilh ko nain tho kho ti lo in an thi colh tawn a poi tuk hringhran e. Zisung i a ruak an check dih hnu ah cun a chungkhar nih an hal bantuk tein Myanmar ramah kuat an timh. Tuchunun February 16, 2021 chun nazi 3:00 ah Malaysia ram i Chin Community hruaitu upa le an chungkhat pawl nih thlacam ti nak programe an hmang hna lai. Cuti cun, February 17 ah Myanmar, Yangon Airport phan kho ding in Myanmar Humanitarian Association (Malaysia) pawl nih cun an kuat lai.

Thawngpang dang relchap >>>>>>>

China Ralkap Nih Kawl Ralkap Hna An Bawmh Nak Kong MRTV Nih Fiang Tein A Langhter Cang

Nihin Kawlram Sandah piahnak hmun ah Cihna ralkap pawl hmuh len an si, Raltuknak Uniform tling he Raldohnak Tank cung ah a ttu mi zong an um, cu pin ah Sandah piahnak Mipi hmai zong ah an dir. Sandah piahtu lei nih China ralkap an si ko tiah an chonh hramhram nain Kawl holh zong an thiam lo ti asi.

Tuluk nih kawlralkap a bawmh hna tiin,nihin online ah a linsa ngai, cu caah Ralkap hum mi MRTV nih Phisin nak tuah phun in fianternak an tuah nain, China ralkap an si ko timi cu fiang tein an langhter ve cang.MRTV (Ralkap) nih an chim mi:Nihin Online ah a linsa ngai mi, China ralkap nih Kawl ralkap pawl an bomh hna timi kha, bomh taktak cu a si lo. A si nain China ralkap nih Kawl ralkap pawl an cawnpiak hna, Sandah piahnak mibu lakah zeitin dah Ralkap nih mipi an control khawh lai timi an chimh bia hna a si.

Kawlram nih kan ngeih rih lomi, kan hman rih lomi thil kha China ralkap an rak ra i Kawl ralkap pawl an chimh bia hna a si” tiah an langhter.MRTV nih tawi ngai in fianternak tuah aa zuam nain β€œChina ralkap nih Kawl ralkap an kan bomh ko” timi he aa dannak pakhat hmanh a um lo. A ruang cu Sandah piahnak hmun ah China ralkap an um, Meithal le Uniform tling ah Mipi an dir onh ve hna i Raldohnak Tank tiang Ready in an i tlaih.

Nizaan Kawl ralkap nih rampi internet vialte an phih dih karlak ah China Vanlawng pakhat cu Kawlram ah a rak lut, mipi an zumh ning ahcun Min Aung Hlaing China ah a zam men lai ti a si nain China Cozah nih a ralkap pawl cu Min Aung Hlaing ralkap bawm ding in a rak thlah mi hna tu si dawh deuh a si. A ruang cu nihin bak in China ralkap nih Kawl ralkap pawl Sandah piahnak hmun ah an bomh colh ve hna. Source : MRTV

Be First to Comment

Leave a Reply

Your email address will not be published. Required fields are marked *