R.I.P : CNA Ralkap Chungin “Peng Awi” Nih A Kan Liam Tam Apoi Tuk Hringhran E

Chin miphun zalennak ding caah tiah nunnak thisen thap in CNF/A ralkap a ttuan cuahmah lio mi Peng Awi nih an kan thih tak timi thawng kan theih cu kan ngaih a chia tuk cio, Chin miphun nih pasaltha pakhat kan sungh a si ko.

Hi kong he pehtlai in Salai Ngun San Aung nih “Peng Awi ka naupa Miphun le Ram caah mitfang bang in kan zohthla hna lio ah na lungdong ruang ai mu. Na kan roh takmi Chin miphun le ram kilvennak rian ah na siaherh hlah mu naupa a herhmi rian paoh ikhinh tikah timhcia kan si ko. Kan in philh bal lai lo. May your soul Rest in Peace! Respect” tiah a langhter.

Rev. Tluang Hre nih a ngaihchiat nak cu comment ah a tanglei bantuk hin a langhter ve. “Nan unau tein kan miphun nih kan in zohthla cuahmah hna lio ah mual na kan liamtak tuan cu ngaih a chia tuk hringhran ee , na kaltakmi chungkhar , a hlei in na uu le , na țuanhawi an dihlak Bawipa Pathian nih intuar khawhnak țhawnnak teinnak kan pekpiak ko hna seh. Na nunnak liam hmanhseh miphun na dawtnak lungput le na țial takmi tuanbia kan miphun nih kan philh lai lo .Sian lo bu tein liam ai ko kun law”.

Chungkhar, nulepa, ulenau vialte kal tak in le hawi bantuk in nuamhnak, hlawhtlinnak vialte kal tak in Chin miphun caah tiah nunnak le thisen thap in Meithal a tlai mi CNF/A ralkap hi upat awk tlak taktak, pasaltha taktak cu an si. Cu chung ah kan naupa Peng Awi nih a tu bantuk in an kan liam tak cu lung a fak tuk hringhran. laikokekjournal