R.I.P : Farrawn Khuami Pu Duh Lian Nih Mual A Kan Liam Tak
Ngeihchiat nak thawngpang kan theih tthan hoi ko, Than Tlang Farrawn khuami Than Tlang i khua a sa mi Pu Duh Lian (Ceu Lian) Pa nih mual an kan liamtak tiah thawng kan theih i lung a fak taktak. Pu Duh Lian nih tuni ah kawlram nazi 12:00pm hrawngah khan Cancer zawtnak in mual a kan liamtak. Pu Duh Lian (Ceu Lian) pa hi can saupi chung Than Tlang ah a um cangmi an si.
A mah hi mi ttha a si cancer zawtnak nih a phanh nak a sau ngai cang i can zeimaw zat chung cu sizung ah ai thlop bul i a cei ngai cang hnu ah Pathian nih a nun khua a sauhter i can zeimaw zat chung cu dir cung kallam in a um.
Kan hnu thla chung ahkhan Doctor te nih a nunnak a derthawm tuk cang kan thlop kho ti lai lo tiah an rak lethmiaoh cang i ticun inn lei ah zohkhenh le thlopbul a si i tuchun Febuary 8/2021 chun suimilam 12:00pm ah a nunnak cu a dih.
Pu Duh Lian a tufa le pawl hi Malaysia le ram dang hmunkip ah khua a sami an si hna. Ngeihchiat nak a tongmi chungkhar sahlawh rualchan tu le fa le vialte Bawipa nih nan ngeihchiat nak in hnem ko hna seh.
