Press "Enter" to skip to content

R.I.P : Kalay Sandah piahnak ah Ralkap nih Saya Cung Lian Ceu thi lak in an kah

Nihin Kalaymyo Sandah piahtu mibu hna cu Ralkap le Police nih Meithal in an kah hna caah kan mah Laimi chung in bochan mi pakhat nih an kan liam tak tiah kan theih. Kalaymyo, Taungphila Sandah piahnak ah Mibu pawl cu Ralkap le Police nih Meithal in an kah hna hi a si i cu ahcun Saya Cung Lian Ceu a nunnak a liam ti a si. Salai Cung Lian Ceu Gigal Baptist Church chungtel a si, nihin Sandah piahnak ah ram le miphun caah a nunnak a pek hi asi.

A poituk hringhran. Ralkap thiltuah le cawlcangh hi cu, Yangon Sandah piahnak ah Chin mi chung in (Tedim) minung pakhat a nunnak a rak liam cang. Tutan ah Kalaymyo ah kan mah Laimi chung in bochan mi Salai Cung Lian Ceu a nunnak a liam tthan ve. Chin miphun chung in minung pahnih nih ram le miphun caah an nunnak tiang an sung ve cang ti nak asi.

Ralkap uknak, ralhrang cawlcanghnak hi a rannak in dih colh hramhram sehlaw an sualnak man hi a rannak in tuar colh hram hna seh. Nihin Sandah piahnak ah a nunnak a liam mi Salai Cung Lian Ceu chungkhar nan dihlak Pathian nih in hnem hram hna seh, kan miphun dihlak nih kan i tuar pi hna.

Be First to Comment

Leave a Reply

Your email address will not be published. Required fields are marked *