R.I.P : Motor Accident Ah Assistant Professor 3 An Thi

Shan ramkulh thlanglei Chaițung peng Chaițung – Maingțung – Maingset lampi ah tuini January 31 sundir suimilam 12:00 hrawngi motor accident ah assistant professor minung 3 an thi i, minung 6 hriamhma an tuar tiah Chaițung peng palik zung sin in thawngtheih a si.

“Sai Yan Kyaut nih motor a mawngh i Chaițung university i professor pawl le department officer cheikhat i tel in minung 10 in an thu hna, Maingkun tlangtluan chuk nak ah motor brake a chia i control kho ti loin an tla” tiah Chaițung district traffic police zung i țuanvo neitu pakhat nih chimnak a nei.

Motor accident an tin nak hmun i bawmtu Red Cross i țuanvo a neitu pakhat nih “motor hi a chuk lei a si ruangah control kholo in ai let mi a lo, tuizing meng 19 tiih kawhmi hmun ah tulio tak i a lar ngai mi meithang zam (mero tuanbia ti zong i kawhmi) zoh i an tlun lei a si, Chaițung university i professor le department officer pawl an si” tiah an chim.

Hi konglam he pehtlai in, motor mawngtu Sai Yan Kyaut cu Chaițung khuapi palik zung nih yazatetgyi pohmah 304(a)/ 337/ 338 pawl he buainak an tuahpiak hna tiah theih a si.