R.I.P : Nihin Kalaymyo Sandahpiahnak Ah Pu Khua Kung Cu Ralkap Nih Cycle In An Teih I A Nunnak A Liam
Tuni Kalay duhlonak langhnak (sandah piahnak) ah Pu Khua Kung cu ralkap nih an cycle in an ṭeih caah a nunnak a liam. Thaizing ah a ruak vui a si te lai. Tantakmi chungkhar Bawipa nih hnem ko hna seh. Kan in ngaihchiatpi ve hna. Ram dawtnak lungput ruangah nan nunnak tiang a pemi hna upatnak sang bik kan in pek hna. Note: Chungkhar sin in theihmi a si.Nusung Htg – Nunu
Thawngpang dang relchap >>>>>>>
Mino Hna Țih Hlah Uh: CNA ralbawi Colonel. Solomon Thangding Nih
Mino Hna Țih Hlah Uh: Col. Solomon Thangding. CNA ralbawi Colonel. Solomon Thangding nih 2021 February 10 chun ah “Mino hna Arfi bantuk in kan in zohmi mino hna. Atu lio te hi nan caanțha a si. Țih hlah uh. A caan pek lio te ah ralțha uh. Cu lo ahcun a zungzal in a ralchia mi na si sual lai. (Chin National Army) kan um dih ko phang hlah uh” tiah a facebook ah a țial.
Atu hiti bantukin CNA Ralbawi Solomon Thangding nih a țialmi cu Ralkap uknak duh loin duhphorhnak a tuahmi mizapi thazaang a pekmi hna a si tiah theih a si. 2021 February 1 thawk in Myanmar ram cu ralkap nih hramhram in uknak a laak caah ramkip, hmunkip le khuakip in mizapi nih ralkap uknak kan duh lo tiah duhlonak an langhter cio.Credit:Rawn Chin Post
Thawngpang daang relchap <<<<<< Aung San Su Kyi Cu Ralkap Pawl Ruah Nak A Petu Min Aung Hliang Nih Ttuan Vo A Pek Kawlram ralkap nih rampi nawlneih nak an lak nak kong an phuan hnu ah, Chairman hrang ralbawi Min Aung Hlaing cu an thim cang i kumkhat chung Myanmar ram uk an i tim. Cuchung ah cun, ithim nak tuahthan ding in mipi sin ah biakam nak an tuah.Asinain, thimnak i a tling mi NLD party cu hnu an tolh hlei loh i, an kal ning bantuk tein karhlan an i tim thluahmah ko i hlutdaw meeting an kawh hnuah hlutdaw palai pawlkomh CRPH timi an dirh. Cu ah cun tuni February 9 ah rampi ruahnak petu phunglam thar an tuah i, rampi ruahnak petu tuanvolatu dingah Daw Aung San Suh Kyi cu an chiah.Ralkap nih nawlneih nak hi la hmanh hna seh law, thim nak i a tling mi NLD palai pawl cu anmah tein karhlan thluahmH.an i tim i president zong a mah bawn U Win Myint a si rih nak kong cu an phuan cuahmah ve ko.Mipi nih kan fian khawh nak ding ah cun ralkap nih nawlneih nak an lak ko nain, NLD nih a cohlan lo ruangah an duh ning tein rian an rak kalpi thluahmah ve ko. Tu ah amah Daw Aung San Suh Kyi cu ralkap uknak tang ah a um i, khawika hmun hmanh ah a thli tein a mah duhnak poh ah kal kho lo ding in ralkap nih an congh peng ko. Cu bantuk dirhmun ah tuanvo an pekmi a si i Ram pakhat ah cozah pahnih um bantuk in a lang i a ho deuh nih dah teinak hi an co lai timi cu duhsah in kan theih lai i a lang te ding mi thil a si.
