Press "Enter" to skip to content

R.I.P : Palik Ṭih Ruang Ah A Zaam I A Zam Lio Ah A Thi

Cambodia patung kum 58 mi Neou Dara cu palik a ṭih tuk hna i a zam lio ah a thi tiah thawngtheih a si.Yeang Thmey khuate i a um mi a si i October 5, 2020 chun ah a hawi le pawl he phaisa thap in phe an i kah. (gambling).

Paisa thap i phe i kah cu Cozah nih khap mi le duh lo mi a si ruang ah, a thli tein an i kah tawn. cuticun ruahlo pi in an khuachung ah palik pawl an rak lut i phe ai kah mi pawl tleihding in an rak check hna.

Cu thawngpang an theih bak cun cuti phe ai kah mi vialte cu an tih tuk i an zam dih hna ti a si. Neou Dara zong cu palik a tih tuk ruang hna ah a zam ve. Meters 50 hrawng a zam hnu ah a tlu i a thaw a dih.

Palik pawl nih cun an van zuan hnawh i Sing Health Center ah an phurh, asinain zanlei nazi 4:00pm ah sibawi pawl nih cun heart attack in a thi tiah an chim.

Cozah lei nih phe ai kah mi pawl cu chimhhrin kan duh hna ruang ah kan tleih mi hna a si. hremnak le thawngtlak nak cu a si loh an ti. Neou Dara i a ruak cu a chung le sin ah an ap i cuticun ruak cu an vui.

Be First to Comment

Leave a Reply

Your email address will not be published. Required fields are marked *