Press "Enter" to skip to content

R.I.P : Pu.Suithawng S/o Ralkiau Thantlang khua Mizoram Bualpui Ah A Um Mi Nih Mual A Kan Liam Tak

Pu.Suithawng S/o Ralkiau Thantlang khua, Mizoram ah a hawng mi Bualpui ‘NG’ i mi in luah mi cu..nihin khan Sangau ah a mah damthat lo ruang ah i zohter dingin a hawng le, an kir lei ah lampi ah khaw karlak ah a nunak a liam.

A dawng le chungkhar hawikawm hna a thawng thei lo mi nan um sual ah ka van thlah ta.. A pawi tuk hringhran e, dam duh ah mizoram lei ah an hawng zam le zawtfah nak ruang ah a nunak a liam than mi hi khawruah a tam tuk e…a chungkhar hna Bawipa nih umpi hna seh.. Masangi Fambawl

Thawngpang dang relchap : Kayin Ramkulh ah BGF sakhaan an kah, 4 an thi
=============================
Kayin Ramkulh, Paikyone Peng Naungmyaloi le Kawhinnsai khua kar um SAC kuttang BGF sakhaan cu aho si hngalhlo mi phu nih October 7 zaan ah an kah i pa 3 le nu 1 an thi. Credit : The Hakha Times

thawngpang dang relchap : European Union Nih NUG Le CRPH Cu Phungning Cozah Le Hlutdaw Ah A Cohlang Cang

Chungtel ram 27 a ummi European Union pi nih cun hramhram in nawlngeihnak a latu ralhrangbu cu fak piin an mawhchiat i NUG le CRPH cu Myanmar ram aiawhtu phungning cozah le hlutdaw ah kan cohlan tiin biachahnak an tuah cang tiah theih a si.

Oct 7 ah tuahmi European Union Parliament ah Myanmar bauiank kong ceih a si. EU Parliament nih cun hramhram in nawlngeihnak a latu ralhrangbu cu fak piin an mawhchiat, sual an phawt i NUG le CRPH cu phungning cozah ah cohlan dingin lungtlin mee (vote) 647, duhlo mee (vote) 2, karlak mee (vote) 31 in an fehter. Tutan EU Parliament ah Myanmar kong he pehtlai in biachahnak 5 an tuah. Cu hna cu a tanglei bantukin an si.

Pakhatnak: Feb 1 i Min Aung Hlaing hruaimi ralhrangbu nih nawlngeihnak an lakmi cu kan soisel, 2020 thimnak result kha upat ding le mipi thimmi cozah sinah nawlngeihnak pek ding, dai tein lam a zawhmi hna cung i thatlonak tuahmi ngol ding, zalong tein chimrel khawhnak le bu ser khawhnak covo hna upat ding, mipi an thimmi palai hna nih anmah a thimtu mipi caah riantuannak nawl pek ding, tlaihmi vialte thlah ding, zalong tein chimrelnak le bu sernak nawl phihkhammi hna hrawh ding, zalong tein zumh/biak nak covo upat ding!

Pahnihnak: Buainak hna cu dai tein tuahremh a si khawhnak hnga a pakhatnak ah President U Win Myint, Rampi ruahnak petu Suh Kyi le a dang hruaitu hna a rannak in thlah ding! Pathumnak: Myanmar mipi hna nih democracy, zalonnak le nuhrin covo an hmuh khawhnak ding i an i zuamnak vialte kan cohlan!

Palinak: Ralhrang nih mipi cungah an tuahmi thatlonak hna cu kan doh i biakinn, Bali, sianginn le siizung hna an khangh/hrawhmi le biaknak hruaitu an tlaih lengmangmi hna kongah kan lung a tha lo!

Panganak: NUG le CRPH cu Myanmar mipi hna duhnak kha phungning aiawtu ah kan cohlan i phung le lam hna kha upat in Myanmar buainak kong tuahremhnak ding ceihkhannak le cawlcanghnak kip ah NUG le CRPH hna cu telh cio dingin ASEAN le ramdang hna cu kan forh hna!

Hi EU Parliament biachahnak hi Parliament Chairman nih UN, ASEAN, US, Nitlaklei ram hna le ASEA ram hruaitu hna sinah theihternak ca a kuat hna tiah theih a si. EU chungtel ram hna cu a tanglei bantukin an si.

Austria, Belgium, Bulgaria, Croatia, Cyprus, Czech Republic, Denmark, Estonia, Finland, France, Germany, Greece, Hungary, Ireland, Italy, Latvia, Lithuania, Luxembourg, Malta, Netherlands, Poland, Portugal, Romania, Slovakia, Slovenia, Spain, Sweden! Ref: Khet Thit Media By. Salai CP Lian

Be First to Comment

Leave a Reply

Your email address will not be published.