Press "Enter" to skip to content

R.I.P : Sizung ah a nupi naunei ding in an umnlio ah a hawipa nih a fapa a rak thah piak

Russia, Engels khuapi ah a um mi Elena cu nau nei ding in sizung lei ah a kal i, a tu i a fa neih ding mi hi a pa 6 nak si ding a si. A pasal Mikhail Grushin kum 33 minung zong nih sizung lei ah cun a um pi ve tiah an chim. Cuti sizung an um kar ah cun an fapa kum 6 minung cu a pasal hawipa sin ah an chiah ta.

An fapa a rak umpi tu Sergey Podgornov kum 47 mi cu sii le ritnak si pawl a tawng tawn mi a si i, zu tama a si fawn. A hawipa le a nupi cu naunei ding un sizung ah an kal ti a si. Nikhat cu Mikhail Grushin cu in lei ah a va lawi i, an inchung a va lut coka lei ah a va kal i a fapa kum 6 minung cu a ruak in a va hmuh.thisen lawngte khat in tuang ah cun a rak ril ko i a lu zong a rak i tan ti a si.

A ruak pawng te ah cun a hawipa Sergey Podgornov cu namte kenpah bu cun a rak dir. a thilpuan le namte ai ken mi ah cun thisen lawngte a khat ti a si.Sergey nih cun pa hngakchia kum 6 mi cu a mah nih a thah mi a si tiah ai phuang i palik nih cun a hmin ah an tleih colh. Sergey Podgornov nih cun police-pawl sin i a chim ning cun, “Khualak ah kuak ka zu i, inchhungah ka lut than i zo hraikhat ka din hnu ah ka thiltuah mi cu ka theih bak a si tiah a ti. Police an van phanh ding mi cu ka rak hngah ko hna tiah a chim chih rih.

Police-pawl zong nih Sergey nih hin rit nak sii a tongh tuk ruang ah hin, zeithil a tuah timi zong hi ai theih loh an ti i, sual phawt a siah cun kum 15 chung thawngthlak a si lai tiah an chim. (Daily Star)

Be First to Comment

Leave a Reply

Your email address will not be published. Required fields are marked *