Press "Enter" to skip to content

R.I.P : Thau Khuami Pi Bawi Hliang Sangau Sii-inn ah a nunnak liam

Thau Khuami Pi Bawi Hliang Sangau Sii-inn ah a nunnak liam . Pi Bawi Hliang, kum 52, Thau khuami cu October 9, tuzing suimilam 4:00 hrawng ah Sangau Sii-inn ah Asthma zawtnak in a nunnak a liam.

Pi Bawi Hliang te chungkhar hi Sangau khua, Sangau-IV ah aa dor liomi an si. Pi Bawi Hliang ruak hi Thau khua ah tlunpi ding a si i, Sangau-IV YLA nih timhtuahnak an ngei lio. Credit : The Chin Post

Thawngpang dang relchap : Taze ah mipi vengtu ralkap nih ralhrang 18 an thah hna
===================
Sagaing ramthen Taze peng Nabetci palek riahbuk in kiangkap khua hna ah ke in zohngiatnak a tuahmi ralhrang rual hna cu Taze People Comrade (TPC) nih Oct 8, tuni zanlei ah an kah hna i ralhrang lei a thimi an tam ngai tiah theih a si.

“Ralhrang lei cu mining 20 an si. Hlei cung i a bu in an um lioah bomb kan puahhnawh hna i pahnih lawng an taang. Cu pahnih nih cun an kan kah le ve. Asinain kanmah lei hliamtuar kan um lo. Anmah lei 18 an thi” tiah TPC ralkap pakhat nih cun a chim.

Taze peng hi ralhrang le mipi vengtu ralkap kahdohnak a fak ngainak hmun a si. Nifatin te kahdohnak a um peng. Mipi le mipi vengtu ralkap an lung aa rual caah atu tiang kahdohnak ah ralhrang lei an sung lengmang tiah Khet Thit Media nih a tial. Credit : The Chin Post

Be First to Comment

Leave a Reply

Your email address will not be published.