Press "Enter" to skip to content

R.I.P : Thawng Lian Sang Malay Um Mi Nih Mual A Kan Liam Tak

Malaysia ah a um mi Thawng Lian Sang kum(25) cu Gas mei kanghnak ruang ah November 10 ah khan a nunnak liam tiah theih a si. A ruak cu Kepong Malaysia tawlrelnak in Kawlram ah tlunpi ding in timhtuah a si. Thawng Lian Sang hi Malaysia, Johor Pontian City ah a um mi a si. November 10, 2020 ah khan Gus Dur a puak mi ruang ah a hawipa he Mei nih a kangh hna i a mah hi a hmun ah a nunnak a liam.Thawng Lian Sang Kawlram a umnak cu Yangon, North Dagon ah a si. A ruak hi chungkhar lei nih tlunpi an duh caah an tawlrel cuahmah.

Malaysia hrambunh, Kawlram mibawmtu phu a simi Kepong Free Funeral Service lei nih a ruak tlunpi ding zong an tawlrel piak chuah mah hna. An mah Kepong Malaysia nih an langhter ning ahcun a herh ning in a ruak tlunpi nak cu Keychain Sizung ah tawlrel a si, December 4, 2020, zaanlei suimilam 3:30PM ah Malaysia um hawikom le community hna nih thlacamnak le ruak a donghnak bik suannak program an hman piak lai, cu hnu December 5, 2020 ah Malaysia Airline in Yangon, chungkhar sin ah kuat a si lai” tiah an langhter.Ngaihchiatnak a tong mi chungkhar Pathian nih hnem hram hna seh. Miphun ramdang ah hi bantuk thihnak fak vun tuar hi cu tantak mi chungkhar cingla rualchan caah cun tuar a har tuk ko lai. Source: Kepong Free Funeral Service, Malaysia

Thawngpang dang relchap >>>>>>>>>>

US Supreme Court Nih Khrihfa Zalonnak An Dirkamh
********************************************************
US President thimnak tluk tein a biapi mi cu Supreme Court Justice ah mi zeidah an thim lai timi hi a si. Liberal maw an si lai, Conservative dah ti a si. President Donald cu khrihfa a si le si lo ah ka buai lo, a pianthar le thar lo zongah ka buai fawn lo, a biachim a holh rel kong zongah ka buai hlei lo. Khrihfa kan caah a biapi mi cu zeitluk in US um khrihfa hna a dirkamh timi tu hi biapi bik in ka zoh bikmi a si. Obama chan ah zumtu minung tam ial tazacuai an tong, thong an thlak hna, phaisa tampi an liamter hna. Asinain President Donald Trump chan ah khrihfa tazacuai le namneh kan thei lem ti lo.

President Donald Trump nih a biakam bantuk tein election lai te ah khrihfa zumhnak a dirkamhtu, Amy Coney Barret cu Supreme Court Justice ah a thim i, senate nih an fehter hnu ah Supreme court ah riantuan a thawk colh. Riantuan a thawk tlawmpal ah Supreme Court an biachahnak cu a khupthal a leh colh ko.

Covid-19 ruangah khrihfa biakinn tampi khar a si. A cheu khrihfa biakinn ah milu rikhiah in pumhnak onh a si. Asinain night club, bar, zudawr, Naked club le casino tampi onmi a um thiamthiam. Liberal pawl caah cun Covid-19 hi khrihfa pawl renghnak caah caan tha le hriamnam tha bik ah a rak hmangmi zong an um ve lai tiah ka ruah.

US state vialte lak ah a Liberal bikmi state cu California le New York state an si. President Donald Trump nih Conservative Judge Amy Coney Barrett Supreme Court i a chiah hlan ah khan, California le Nevada state i a ummi Church cheukhat cu biakinn ah pumhnak nawl an onh hna lo caah tazacuainak a chuak i biaceih ding in Supreme Court an phan. Supreme Court ah an bia an ceih piak hna i, Supreme Court Chief justice John Robert nih Liberal lei i vote a thlak caah khrihfa pawl cu vote 5-4 in an sung i an biakinn an khar ter hna.

Asinain President Donald Trump nih khrihfa dirkamhtu, Amy Coney Barrett Supreme Court i a chiah hnu ah New York state ramukbawi, Governor Cuomo nih khrihfa biakinn cheukhat cu minung 10-25 tiang lawng pumhnak nawl a pek hna caah khrihfa cheukhat an lungtling lo i tazacuainak a chuak i, Supreme Court an phan.

November 26 ah khan Supreme Court nih biaceihnak cu an tuah i, 5-4 in khrifa pawl cu teinak an pek hna. Mah teinak an co khawhmi cu Amy Barrett ruangah a si ti fiang tein a lang. Amy Coney Barrett Supreme Court a phak hlan i bia an rak chiahmi cu a thar in a khupthal an leh than. Cucaah Supreme Court ah khrihfa a dirkamhtu Conservative an tam deuh cang caah khrihfa hna zalonnak caah thinphan tuk ding a si ti lo.

President thimnak tuah hlan deuh ah Supreme Court i khrihfa a dirkamhtu Amy Coney Barrett nih thutdan a comi hi Pathian khuakhan a si tiah ka zumh. President Donald Trump cu khrihfa hna a dirkamh bikmi, US President pakhat in tuanbia ah a tang zungzal dingmi a si.

Be First to Comment

Leave a Reply

Your email address will not be published. Required fields are marked *