Press "Enter" to skip to content

R.I.P : Tuni Sandahpiah Nak Ah Kum 19 Nute cu Meithal In Kah

Ralkap uknak duhlotu Myanmar mipi tamdeuh nihcun rampi huapin hmunkip ah duhlonak langhter in sandahpiahnak an nei i February 9 ah Nay Pyi Taw i mipi sandahpiah mi pawlcu palik nih meithal in an kahhna ruangah minung pakhat cu a hliamhma a fak ngai ngai tiah theih a si.

Amah cu kum 19 mi Ma Mya Thet Thet a si tiah ramchung media pawl nih an tarlangh i an kah liao video zong online ah pholangh a si. Video ahcun mawṭaw in ti an theh thluahmah liao hna a lang i bus stand bantuk innhme te pawng i a dirmi angki sen ai hrukmi tleirawl nute pakhat cu ti a rak thehmi zawn i i phet ding i kal ai timh liao ah meithal thawng a hong than bakin a tlu colh i vulei a phak cun a cawl kho tilo.

Ralkap nih Myanmar ram cozah nawlneih nak a lak hnu ni 9 chungah Ma Mya Thet Thet hi palik kut tuar i zualhma ngai in sizung a phan hmasa cemmi a si. Sandahpiah nak ah hin palik nih ti an toih ruang hna i hliamhma tuarmi he hriamnam meithal an puah ruang i hliamhma tuarmi minung an tam ngai cang.

Ma Mya Thet Thet chiat a tonnak kongah ralkap cozah lei in zeitin dah hmalaknak neih an i timh ti cu theih a si lo nan hi thil a phanh minih hin mipi thinlung a fak tuk i i ralkap cozah doh duhnak lungput a chuah ter chin chin.

Be First to Comment

Leave a Reply

Your email address will not be published.