Press "Enter" to skip to content

R.I.P : US Um Pi Tial Ci nih an kan thih tak apoi tuk hringhran

USA, Indianapolis khuasa Laimi chung in thihnak kan tong tiah kan theih. Tulio boruak chiat lio ah hi bantuk in thihnak thawngpang kan theih tthan tikah thinlung a nuam hrim lo. Tutan ah an kan liam tak mi hi a min ah Pi Tial Ci (kum 39) a si. A mah hi Laimi nih kan bochan ngai mi, Myanmar remdaihnak ah aa tel ve mi Salai Za Ceu Lian i a farnu a si. Laitlang lei an khua cu Thantlang peng Leitak khua mi a si i chungkhar he USA, Indianapolis ah khua a sa mi asi. A pasal le a fate kal tak in hi vawlei harnak in an kan liam tak chung hi asi.

Pi Tial Ci a thihnak kong he pehtlai in Zophei i tawlrel nak bu nih a taang lei bantuk hin thawngthanhnak an tuah ning cu asi. “Indianapolis, IN khua sa, Leitak khuami Pi. Tial Ci (39 y/o) nih taksa pum dam lo nak in 2:00 PM (Eastern time) ah mual a kan liam tak. Taantaak mi chungkhar, cingla rualchan, hawikom dawt vialte nan ngaihchiat nak kan in tuarpi hna. Bawipa tu nih in hnem hram ko hna seh”. Pathian nih chungkhar, khua mi nan ngaihchiatnak in hnem hram hna seh. Nan ngaihchiatnak kan i tuar pi hna.

Be First to Comment

Leave a Reply

Your email address will not be published.