Press "Enter" to skip to content

R.I.P : Wetlet Peng ah SAC ralkap nih Mg.Kyaw Zaw khant an kahthah

Wetlet Peng ah SAC ralkap nih Mg.Kyaw Zaw khant an kahthah
=============================
October 3 zingka, Sagaing Ramthen, Shwebo Pengkomh, Wetlet Peng ah SAC ralkap nih khuami Mg. Kyaw Zaw Khant cu an tlaih i an sakhaan ah meithal in an kah i a thi. Mg. Kyaw Zaw Khant (kum 19) cu Wetlet Peng Phowintat khuami a si.

October 2 zaanlei ah khuabawi U Thein Tint cu thah a tong i October 3 zing ah SAC ralkap le palek nih aruak an rak lak lio ah kahdohnak a chuak i cu lio ah Mg. Kyaw Zaw Khant hi an tlaih mi a si, tiah Khit Thit Media nih a tial. Credit : The Hakha Times

Thawngpang dang relchap : Oct 3: PDF-Kalay, CNDF Le Ralhrang Kahdohnak Thawngthanh
===============
Oct 3, tuni ah Kalaymyo in chaklei ah a kalmi ralhrang mawtaw le chungkhar mawtaw, a dihlak mawtaw 8 hna cu Kalay GTC pawngah chikhat an dir i lamkam ah bomb an kawl lioah timhcia tein hmanhmi bomb cu PDF Kalay nih an puahhnawh hna. Ralhrang pakhat a thi.

Ralhrang nih cun ruahdamh in an kah len hnuah an cheklei ah an lan i Thayagone khua pawngah PDF Kalay nih an kah than hna. Ralhrang mawtaw pahnih a rawk i ralhrang pathum an thi, tam nawn hliam an tuar.

Ralhrang hna cu Siitha khua pawngah an vun i funtom than i a taangmi mawtaw 6 he an lamthluan an peh. Asinain 11:00 am ah Pamunchaung hlei le Aung Chian Tha khua karlak ah PDF Kalay le CNDF nih an kah nolh hna i ralhrang mawtaw 3 le chungkhat mawtaw Parado 1 cu an rawk cikcek.

A chungah a ummi ralhrang 10 nak tlawmlo an thi. PDF Kalay le CNDF hna cu hliamtuar le a thimi um lo tein an i zukphiak kho. Kalay-Gangaw le Kalay-Tamu lam ah zeitik caan paoh ah kahdohnak a um khawh caah ahohmanh mawtaw in tlunkal rih lo dingah PDF Kalay nih ralrin peknak ca an chuah than. Credit : The Chin Post

Be First to Comment

Leave a Reply

Your email address will not be published.