Rak I Ready Pah Cang : One Championship Ah Aung La Nih A Vuak Dingmi A Fiang Cang
One Championship nih cun Singpore ah “Unbreakable 1,2,3” tii’n puai a tuah cuahmah lio i USA leiah “One On TNT 1,2,3,4” tiin peh a timh than nak kongJanuary 27, zan muih hnu ah mipi sin ah theihter nak a tuah. Mah cuah cun, Myanmar mivuak thiam Aung La Nsang zong “One On TNT 3” ah mi a vua ve ding a si.
Aung La Nsang i.a vuak ding mi vawikhat a rak tei cang mi le, vawikhat a tei lo mi, Russia mivuak thiam Bigdash a si. An puai cu taisawmh i cuh nak puai a silo nain, Main ah hman a si lai. Aung La nih cun a champion taisawmh rak cuhtu Reinier ngiar khawh nak le midang pakhat khat vuak hmasa khawh nak caantha a nei i, tu ah Champion taisawmh cuh colh loin midang a vuak ta rih hna lai.
Aung La le Bigdash cu US lei April 21 ,zan nazi 9pm ah ai vua ding an si i kannih lei cun, April 22 zinglei nazi 7:30am hrawng a ciah lai. Mah cucu thawn khawh than a si pinah, a hnuah felfai deuh in mipi sinah theihter nak thlah than ding a si. Aung La le Bigdash cu vawi 2 an rak i vua cang i vawikhat veve teinak an hmu, tutan i,an puai ah teinak cotu cu, Middleweight Champion taisawmh a thar Reinier ngiar khawh nak an pek dingah zum a si.
Tu i dirhmun Singapore i an tuah cuahmah mi Unbreakable 1,2,3 cu an dih cuahmah cang i February 5 ah a donghnak bik hrang “Unbreakable 3” puai a um lai. Mah cuah chinmi chung in One Championship i ai vua hmasa bik Salai Tial Thang zong ai vua ve lai i, Indonesia mivuak thiam Pual he ai vua ding mi an si.
US i tuah dingmi “One On TNT” cu vawi 4 in tuah a si lai i a hmasabik hrang April 7 in an thok lai. April 14 ah “One On TNT 2”, April 21 ah “One On TNT 3” le April 28 ah “One On TNT 4” tii’n an peh thluahmah lai. Tutan cu One Championship neitu nih US ah a mivuak thiam pawl a vuak ter hmasa bik ding a si i, a hlawhtlin a si ahcun US lei zong ah One Champion puai an tuah thluahmah lai tiah zumh a si. ( Source : One Championship )
