Arakan (Rakhine) ramkulh chung ah zeitik caan paoh kahdohnak a chuak kho si caah mizapi ralring tein um uh tiag Arakan Army (AA) nih ralrinnak a thanh hnu ah Rakhine ramkulh Yatehttaung peng ralzam camp um mi tleirawl 3 cu SAC ralkap nih May 16 ah an tlaih hna.
Tlaih a tong mi tleirawl 3 hna hi Yatehttaung peng, Laikun khua mi Maung Aung Myo Khant( kum 16), Maung Nay Htun Oo( kum 17) le Maung Khaing Myo Lyin ( kum 17) hna an si i Yatehttaung khuapi chubg Pyinlung Chanthar phungki sianginn ah ralzam in ai dor mi an si hna.
” Hi tleirawl 3 hna hi Ralzam in i dor peng an huam lo caah, rian kan ttuan lai an ti i Tantwe khua lei ah Saikel pakhat in an kal, Yatehtaung -Ponenakyun lampi an zul i Ponenakyun peng Paukdawpyin khua pawng chek gate ah SAC ralkap nih an tlaih hna hi asi, An tlaih hna hi zaanlei slm 5:00 hrawng a si i an kan tlaih an ti i phone kakhat hnih kan i chawn i line a tla i kan pehtlai kho ti hna lo, tiah Yatehtaung khua mi pakhat nih a chim.
Hi an tlaih hnanak chek gate hi SAC ralkap nih zaan slm 6:00 hnu in kal an siang tilo tiah theih asi. Rakhine ramkulh chung ah ral i ngiarnak a cho sang chin lengmanv i SAC ralkap he naihniam in umlo ding ah le zeitik paoh ah kahdohnak a chuak kho tiah May 15 ahkhan Arakan Army (AA) nih cathanh chuah. Credit; The Chin Post
Spain ram, Barcelona khuapi pawng ah Nizaan, May 16 zaanlei ah tlanglawng pahnih an i pah i tlanglawng khaltu a nunnak liam i hliamtuar zong an tam tiah theih asi.
May 16 zaanlei slm 6:00 hrawng ah ”Sant Boi de Llobregat” tlanglawng dinhnak ah thil phurtu tlanglawng pakhat nih Khualtlawng phurtu tlanglawng pakhat a pah i minung 85 hrawng hliam an tuar tiah Spain ram Cataland hmun nawlngeitu hna nih an chim.
Tlanglawng cangsual a cannak hmun ah a kal mi Cataland Vice- Chairman Jordi Puignero nih ”hi tlanglawng cangsual a chuahnak a ruang kan zulhdawi colh lai” tiah tlawnglatu hna sin ah a chim.
Tlanglawng cangsual ruang ah a nunnak liam mi tlanglawng khaltu a chungkhar hna nan ngeihchiatnak kan hrawmpi hna tiah Prime Minister Pedro Sanchez zong nih a Twitter ah a ttial.
Relchap>>>><<<< Ritsii zuartu minung pathum hna cu kan luhhnawh hna i WY sii tlang 3000 leng he kan tlaih hna tiah Karenni National Defense Force (KNDF) Battalion -9 nih Nihin May 17 ah cathanh an chuah.
Nizaan, May 16 zaan slm 7:00 hrawng ah Karenni Army( KA) he i bawm in an innchung ah kan va luhhnawh hna i kan va tlaih hna tiah an cathanh ah an langhter i Ritsii zuartu minung 3 hna cu WY a sen mi sii tlang 3200 he kan tlaih hna i chekhlatnak tuah ding ah thiamsang hna le ttuanvo ngeitu sin ah kuat a si.
Hi hnu zong ah mino a hrawktu ritsii a zuartu cu tlaih le dantat a. si peng lai tiah an thanh chih. Karenni (Kayah) ramkulh chung ah ritsij zuar kan duh hrimhrim lo, fak piin hma kan lak lai ritsii zuar ruang ah tlaih cang mi hna zong Karenni State Police (KSP) sin ah ap an si cang tiah an langh ter.
Be First to Comment