Press "Enter" to skip to content

Rakhine ramkulh Taung Kote Myone i NLD palai pathum an tlau nak kong ah AA pawl nih

Rakhine ramkulh Taung Kote Myone i NLD palai pathum an tlau nak kong ah AA pawl nih cun NLD palai 3 cu anmah tleih mi an si nak kong tuchun October 19 ah thawng an thanh i, NLD nih ralkap hmangin an tleih mi Siahngakchia pawl zalong tein an chuah hnana siah cun, NLD palai 3 zong zalong tein kan thlah ve hna lai tiah an ti.

Rakhine ramthen Taung Kote Myone i NLD palai pathum Daw Ni Ni May Myint ( Pituh hlutdaw palai ), Daw Chit Chit Cawh ( Amyone Hlutdaw palai ) le U Min Aung ( Pine hlutdaw palai ) pawl cu October 14 ah NLD party hrang ah cawlcang in bia an chim nak hmun ah, AA ralkap nih an rak tleih hna.

Tu ah ni 5 chung an erhncang hna nain, chuah zalen an tim rih hna loh,Rakhine ramkulh le Chinram ah “Ral daiseh” ti in ralkap nih an tleih mi siahngakchia pawl zalong tein an chuah hnanhnu long ah kannchuah vete hnanlai tiah an ti.

NLD nih cun AA ralkap i cawlcangh dan cu tapung pawl cawlcangh ning bantuk a si i, NLD party nih an duh ban tuk in tuahpiak ding cu, harsatnak a um deuh tiah an chim. Cupin ah ram buainak cu hi bantuk in chimrel sawh ding long a si lo i, ralkap zong a dirlio mi cozah NLD kut tang ah umlo in, an mah duhning poh in a cawlcang mi an si tiah a ti. Hikong kau ah hin, ralkap lei nih cun, zeihmanh an chuah rih loh ti a si. Credit : VAPUAL AUAW

Be First to Comment

Leave a Reply

Your email address will not be published. Required fields are marked *