Press "Enter" to skip to content

Ral lo kap lutlai Gen. Min Aung Hlaing nih i ton dingin a pehtlaih mi hna le a hal mi hna cu KNU nih a cohlang lo.

Gen.Min Aung Hlaing Nih I Ton Dingin A Hal Mi Cu KNU Nih A Cohlang Lo
=============================================================

Ral lo kap lutlai Gen. Min Aung Hlaing nih i ton dingin a pehtlaih mi hna le a hal mi hna cu KNU nih a cohlang lo.

Gen.Min Aung Hlaing he i ton dingin le karhlan ding cu KNU nih a cohlang lo tiah ca an thanh.

Mah thanhmi cu hi a dikmi a si tiah KNU i Baan zung Saw Aung Pan nih RFA ah a chim.

Mipi kilven ding in tuanvo a ngeimi palek le ralkap nih hmun kip ah dai te in lam a zawhmi mipi tlerhkhonh,doh,thahnawn an tuah mi cu KNU dirhmun in cohlan awk a tha lo mi a si. Rampi caah ningzah tuk mi thil a si tiah ca thanh ah a tel chap.

Ralkap dirhmun in ramkhel ah chuah dih hnu miphun luangrual ah pakhat ah nawlngaihnak pekthan dingin a hal.

Lam a zawhmi hna hruhru hranghrang in hmun tinah ralkap nih an tuahmi le an kahmi hna cu ralkap nih lak ding, ram pumpi kahdaihnak thanh ding, nawl ngaihnak lak lio ah le tlaihmi vialte thlah dih ding, duhlonak langter tu hna sii ai lei riantuan vialte tling te in rian pekchanh than ding.

NCA min thutnak ah a tel mi dihlak palek le ralkap nih zulh ding,mah limhang hnorsuan lo ding. Ralhrang bantuk in um lo ding, hruhru hranghrang in mipi thil ri chuh lo diny, tlaihhrem lo ding. Upadi ning lo in tlaih hna lo ding.tazacuai mi biakhiah piak hna lo ding. Ngandam nak he pehtlaih in tha te felfai te in pek ding. Sianginn, sii inn. Biaknak hmun hna hrawh lo ding hna an i tel.

Nu pawl hna zong nupa sinak in nek lo ding.hngakchia thah mi hna le, nupa si nak namnehnak,tlaihhremnak, ralkap nih tuah lo ding hna hi an ca thamh ah a tel mi ans i.

RFA

Be First to Comment

Leave a Reply

Your email address will not be published. Required fields are marked *