Ralbawi Lt.Gen.Sein Win Cu Ralkap Rian Chuah Tak i,Mipi Lei Ah A Dir Ve Cang

Kawl ralkap chung ah buainak, i hmuh thiam lonak tete a karh ngai cang tiah biathli a chuak. Cun Ralkap rengsang taktak a simi chung in cheukhat cu hramhram nawlngeihnak chuh mi an duh lo ruang ah Min Aung Hlaing nih house arrest ah a chiah hna ti a si.Atu zong ah Ralbawi rengsang taktak a simi (Buchoh-ci reng a simi) Sein Win zong Ralkap in chuahnak ca a chiah ve cang, Mipi lei ah a dir i Civil Disobedience Movement (CDM) ah aa tel ve cang tiah theih asi.

Bochoh-ci a simi Sein Win hi an bochan mi, an tihzah taktak mi asi, amah ralkap in a chuah ahcun ralkap chung ah buainak ngan ngai ngai a chuak lai tiah mi tampi nih an zumh cio cang.Hramhram uknak a dohtu, a duh lo tu chung in minung pahnih, Kawl ralkap vialte lak ah a sangcem pathum hna a simi Myat Htun le Kyaw Swe zong Min Aung Hlaing nih house arrest ah a chiah hna ti asi.

Cu lawng si loin kawlram mipi nih an tihzah upat mi, USDP party lutlai hruaitu a simi, Ralkap aa dinh hnu ah Hluttaw speaker a simi Thura Shwe Maan zong Min Aung Hlaing nih house arrest ah a chiah ve. Ralkap minung, ralkap nih tihzah bak mi zong an ruahnak aa kalh ruang ah hramhram in a tlaih mi an um ngai cang ti asi.

Note: Hi thawngpang hi LLB timi News nih Kawlca in an tial, Ralkap chung biathli hi media pical nih tial dawh an si lo. Thawngpang dik cu a si ko tiah mi tampi nih an share mi zawng khawh a si.