Press "Enter" to skip to content

Ralhmai Ah A Ummi Ralhrang Hna Nih Min Aung Hlaing An Huat Tuk Cang Tiah MNDAA Nih Cathanh A Chuah

Nawlngeihnak latu ralhrangbu nih kahdohnak hmun ralhmai ah an thlahmi ralhrang hna biachim holhrel le cawlcanghning zoh tikah Min Aung Hlaing ukning le khuakhan lairelning cu biatak tein an huat cang ti a lang tiah Kokang hriamtlaibu MNDAA nih Oct 22, tuni ah cathanh a chuah.

Hmasa ah cun kahdohnak hmunah a thimi an hawile ruak le meithal hna kha a si khawh chungin lak than an i zuam, cu hnu lawngah hnu an tolh. Atu cu a si ti lo. Kahdohnak i an sungh tikah a thimi an hawile ruak le an hriamnam hna cu a rannak in an zamtak lengmang. Hihi ralkap sining ah a um bal lomi a si tiah ralhrang he atu le atu aa do pengmi MNDAA nih cathanh ah an laughter.

Kan hnulei i Kaya ramkulh chung hmun pakhat i kahdohnak ah ralhrang nih an hawile a thimi hna ruak cu ek khur ah an hlonh ta men hna. Cucu khuami nih an hmuh tikah an sia a rem lo i an lak hna hnuah mei in a khangh hna.

Cu lawng si loin Oct 20 i KNU hmunhma chung kahdohnak ah a thimi caankarlak Tat-yin-hmu Than Win Tun le ralhrang 7 hna ruak cu caan zeimawzat lak loin an um. KNLA nih an ruak rak la cang u tiah an thanh hna hnu lawngah an rak lak i cu zong cu tha tein vui um loin Tanphyuzayat khua thlanhmun ah plastic a nakmi in an fun i an kaltak men hna.

Cu pinah CDM a tuahmi ralkap le ralbawi hna nih ralhrangbu chungah lungrualnak a um ti lonak le pakhat le pakhat zong an i zumh ti lonak kong an chim, an phuan lengmang. Cucaah Min Aung Hlaing hruaimi ralhrangbu cu a kekkuai hrimhrim lai, a tuan le a tlai lawng si ko. Credit : The Chin Post

Be First to Comment

Leave a Reply

Your email address will not be published.