Press "Enter" to skip to content

Ralhrang hna cu PDF -GanGaw le CNA nih an kah hna i ralhrang 30 an thi

Hriamngan hna he thazaang tampi hmang in raltu ding ah a rak ra mi ralhrang phu hna cu nizaan October 1 zing Suimilam 10 hrawng ah Gan Gaw – Kalay lam hmun pakhat ah PDF – Gan Gaw,CNA le pawngkam mizapi ralkap hna i bawm in bomb in kan puah hna tiah PDF – Gan Gaw nih a thanh.

Hi kahdohnak ah ralhrang 30 hrawng an thi i a hliam mi an tam tiah an langhter.Ralhrang lei in hriamngan hna in an kah hna nain mizapi ralkap lei inhliam mi um lo tein kan kir than ko tiah an thanh. Credit : thechinpost

thawngpang dang relchap : Lairam Politics Titi Whatsapp group nih Lawngtlai District chungah A Dormi hna bawmhnak an pek

Nizan October 1,2021 ah Lairam Politics Titi Whatsapp group nih cun Lawngtlai District chungah aa dormi hna bawmhnak ah kut an samh.Lairam Politics Titi Whatsapp group hi west Lairam(Lawngtlai District) chung i ramkhel(politics) kong ceihnak le thawngpang thar zamhnak media group a si.Hi group ahhin Lawngtlai District chung i ram hruaitu upa tampi zong an i tel ve.

Hi group member chung hna nih mah le ti khawhtawk in tangka an thawh hna i, Rs 72,000 a chuak.Cu tangka chuakmi vialte cu Chinmi aa dormi hna bawmhnak ah an hlut dih.An tangka hi Lawngtlai District chung i aa dormi tawlreltu bu nganbik CYLA(Central Young Lai Association) hruaitu hna sinah an pek.

Nizaan October 1, 2021 thiamthiam ah Lawngtlai East uktu MLA, Pu H. Biakzau nih Pangkhua i aa dormi hna bawmhnak ah tangka Rs 10,000 le silpalin zeimawzat a pek hna.MLA aiawh in Pangkhua VCP nih YLA Mino hna sinah bawmhnak hi a pek hna.MLA Pu H. Biakzau nih September thla Sangau le a kiangkap khua a tlawn lio ah aa dormi hna bawmhnak phaisa le thildang in bawmhnak tampi a rak pek cang hna.

Be First to Comment

Leave a Reply

Your email address will not be published.