Press "Enter" to skip to content

Ralhrang Hna Nih Hakha Sii Zung I,Rian Ttuan Mi Pawl Tthawl Dih A Ni Timh Cang

Ralkap nih Hakha sii-inn cu, kanmah nih tuanvo kan laak lai an ti Cang .March 12 chun in Ralkap nih Hakha sii-inn an luhnawh i “Siibawi le Nurse pawl CDM nan tuah lai maw? Nan tuah ding ahcun zanlei 3:00 hlan ah chuak ulaw kanmah nih tuanvo kan laak lai” an ti. Hi kong ah Hakha sii-inn uk nih “Siibawite cu kan chuak dih lai. Kan hawile siibawipi pawl zong kan chuak dih lai an ti.

Ralkap nih Hakha kan sii-inn tuanvo an laak ding khuami le mino nih zeitin dah nan ruah?” tiah a chim. Atu hi mino upa le biaknak lei upa le CDM OPD Clinic upa an i ton lio a si. Siibawite le Nurse pawl Quarters in a chuak mi ca ah umnak inn an tawlrelpiak cia dih hna.

Hi lio ah hin Hakha mino hna nih cun zeitin dah an rel tthan lai ti cu theih asi rih lo. a tu-ah Siizung pongah cun mino hna cu an khat dih cang i,meeting an ngeih lai i, zeitin dah biachahnak an tuah te lai ti cu theih khawh si rih lo. Ralhrang hna nih hin an zohkhenh khawh taktak lai maw ti cu,ruah lenawk tampi a um ve mi cu asi tiin The Hakha Times nih cun a chim. Credit : The Hakha Times.

Be First to Comment

Leave a Reply

Your email address will not be published. Required fields are marked *