Press "Enter" to skip to content

Ralhrang Kut In A Nunnak A Liam Mi Pastor Biak Kolh Nupi Le A Fale Sangau An Phan (+Video)

Ralhrang kut in kan hnu teah a kan liam tak mi Pastor Bial Kolh nupi le a fale cu Mizoram Sangau timi khua ah an phan. Pastor Biak Kolh nupi le a fale cu an pa vuinak hmun le khua chuaktak colh cu an ca hrangah cun a awl bak lo a nupi nih le nau a ngei deng fawn.

Zoh ah hin zaangfak tuk an si ko e, Minung fa nih celh ding bak a si loh mu, Bawipa tu nih umpi zungzal ko hna seh. An video tawi a tanglei ah kan van thil chih zoh cio khawh van i zuam hna usih.

CLICK VIDEO

thawngpang dang relchap : Thantlang ah khuasa an um ti lo, Hakha ah zaantin khual cazin checkhlatnak an tuah

“Thantlang ah a taang mi minung 28 zong an um ti lo, an chuak ve cang hna, khuami hna nih an chuahpi hna, kahdohnak a um zong ah i do cang ko hna seh,inn lo zong kan Sia a herh ti lo, Thantlang ah milu thong 10 hrawnglawng kan um.Thantlang khuachung mi dihlak nih chuahtak a si cang”tiah khuami pakhat nih a chim.

Thantlang khua mi hna tamdeuh cu India ram lei ah an zaam hna, cheukhat cu ramlak ah an zaam cun Hakha ah a zaam mi zong an um tiah theih a si.Thantlang khuachung kahdohnak a can hnu in Thantlang khuachung kong ah thil sining fiangten theih khawh a si lo tiah khuami hna nih an chim.

Thantlang khuachung ah September 18 in ralhrang phu hna nih khuachung ah hriamngan kahnak ruang ah minung umnak inn 19 cu meikhangh in an hrawh, cu meikhanghnak a chuah nak hmun ah meithat ding in aa thawh mi pastor pakhat cu ralhrang phu hna nih meithal in an kah leng ah a kut dong cu cik in tthitumnak kuthrolh le suimilam cu an lak piak tiah CBC nih cathanh an chuah.

Cun Thantlang he meng 22 a hlatnak hmun Hakha ah zaan tin sangkhat hnu sang khat in mikhual um le um lo checkhlatnak an tuah, Thantlang in a ra mi minung pakhat zong ralhrang phu nih an tlaih tiah theih a si.

“Innkhat zong an hrelh lo, an kawl dih inn tang zong mei in an ceuh , cheukhat cu inntang ah dornak/ thuhnak an i tuahmi zong an um cu tiang cu an kawl piak hna, Chun hnu cang ahcun mi chawklet zong an um lo” tiah Hakha khua um minung pakhat nih a chim.

Be First to Comment

Leave a Reply

Your email address will not be published.