Ralhrang le Kayinni ralkap i kahnak ah ralhrang kut in mipi inn lo an khang

Kungtaya khua pawng ah ralhrang phu kar le Kayinni phu komh kar fak ngai in kahdohnak a chuak, ralhrang phu hna nih hriamngan in an kah hna caah mipi umnak inn an kang

Shan-Kaya ramri, Loikaw peng Kungtaya khuapawng ah ralhrang phu le Kayinni phu khomh kar ah nihin September 30 zinglei suimilam 11:30in fakngai in kahdohnak a chuak, ralhrang phu hna nih hriamngan in an kah hna caah khuachung ah tla in inn kanghnak a chuak.

Ralhrang phu hna nih Kungta khuapawng ah umhmun khuar in hriamngan in an duhnak hmun paoh an kah hna,Kungta khua le Warikaw khua kar ah fakngai in kahdohnak a chuak, ralhrang phu hna nih hriamngan in an kah hna caah mipi umnak inn ah a puah caah inn kanghnak a chuak tiah Kayinni ralkap thawngzamhnak nih an langhter.

Nihin kahdohnak kong he pehtlai in kaphnih a thi mi hna le hliamt ar mi kong ah cathanh chuahnak a um rih lo.

Mube(မိုးဗြဲ)- Loikaw motor lampi Warikawkhu, Kungta khua pawng ah nizaan ah ralhrang tat-mah 66 cu Kayinni ralkap KA, KNDF le mipi vengtu phu hna nih kham in an doh hna i fakngai in kahdohnak a chuak, ralhrang phu lei in minung 30 leng an thi, Kayinni phukomh lei in minung 5 an nunnak a liam, hliam tuar mi zong an um. Khit Thit Media. Credit : The Chin Post