Sagaing ramtthen, Shwebo peng Yee Phyo Kone le SeihKhun khua karlak ah rallam sial mi SAC ralkap hna cu Tualchung ralkap phu hna nih May 2 le 3 ah an kah hna i SAC rakap lei in Bogyi(Bawiham )1 hliam fak a tuar pin ah SAC ralkap 30 hrawng an thi kho tiah C&T Shwebo phu nih cathanh an chuah. SAC ralkap hna nih hin Ta Pin Khaung ( တပင်ခေါင်း) khua le Kyua(ကျား) khua hna an khangh caah tualchung mizapi ralkap a si mi.
SNAKE EYES PDF; C&T SHWEBO; Peacock Bo Kyua Shine (ဗိုလ် ကျား ရိုင်း) PKF Alpha 7; Mahura Owl (Depayin); Smile (Depayin); Ayartaw Shwe Yoe Phyo ( အ ရာ တော် ရွှေ ဇို ဖြူ)၊ People Defense Force Shwebo and B F D F Dragon hna i bawm in an kah hna nak hi asi. SAC ralkap hna nih khuami cheukhat hna cu ralphaw ah an hman hna ruangah mizapi vengtu ralkap phu hna cu hnu kan tolh than tiah C&T Shwebo phu nih cathanh an chuah.
Karenni ramkulh, Demohso peng chungah ( Karenni Revolutionary Army Coalition) KRU nih hmunhma thianhhliam nak an tuah i April 30 ni nikhat chungah kahdohnak voi 2 a chuak ,SAC ralkap 5 an thi i 10 hliam an tuar tiah KRU nih nihin May 4 ah cathanh a chuah. April 30 zinglei Sml 10:00 hrawng ah Daw Ngan Kha khua ah voi 1, zaanlei Sml 2:00 hrawngah Kone Thar khua ah voi 1 tiin SAC ralkap le KRU hna karlak ah kahdohnak a chuak tiah theih asi.
KRU cu April 6 ah Karenni Generation Z (KGZ)၊ Karenni Democratic Front၊ Fight for Justice (JPDF)၊ GZ-21 (Loikaw)၊ Medic Unit၊ Southern Shan People Defense Force (SSPDF) hna ralkap phu 6 i fonh in an dirhmi a si. Monywa Computer University in a rak chuak mi SAC mawtaw 3 cu nihin May 4 ah Salingyi(ဆားလင်းကြီး) peng Sapye(စံပယ်) an phak ah Chindwin Yoma , NRF le Alpha Special Force PDF nih bomb (mine) an puah hnawh hna i mawtaw pakhat aa let. SAC mawtaw hna hi nizaan May 3 ah khan Monywa University ah aa din mi a si tiah theih a si.
Salingyi peng Latpadaung(လက်ပန်တောင်း) tlang ah SAC ngeih mi le Tuluk(China) company a cawngtu SAC ralkap hna zong kah an si tiah theih a si. Salingyi lei in a ra mi SAC mawtaw pakhat zong Duthoh(ဒူးထောက်) khua pawng ah ummi tualchung PDF nih bomb an puah hnawh i SAC ralkap 2 an thi, hliam tuar an tam ngai tiah an cahanh ah an langhter. SAC ralkap nih Latpadaung tlang kiangkap ah ummi khua hna ah nichuah nitlak, thlanglei le chaklei hmun li ning in hramngan in an kah tiah theih a si. the chin Post
Be First to Comment