Press "Enter" to skip to content

Ralkap ca thanh chuah mi cu zah an hngalh lo zia, An mah lia Phungkalh ka si ti ding cu CRPH tu cu phungkalh an Ti deih hoi hna.

Ralkap Nih CRPH Cu Phung Kalh Bu A Si Tiah Ca Thanh A Chuah
=====================================================================

Myanmar ralkap nihcun thimnak ah a tling Hlawdaw palai CRPH cu phung kalh bu a si tiah ca a chuah. Phung kalh a si ti’n ca thanhnak ah CRPH cu rampi buaitertu,mipi buaitertu le thil hnahnok men an si timi zong hmuh khawh a si.

CRPH cu Myanmar ralkap nih phung ning lo in nawl ngeihnak an lak hnu ah 2020 rampi thimnak ah tei nak a hmu mi hna mipi nih thimmi MP pawl nih dirhmi hlawtdaw bu an si. Ralkap cozah dodal tu bu an si i an caah UN palai caah Dr.Sasa an thim.Cu lawng si lo in CRPH nihcun Daw Sung San Suh Kyi cu kum 5 chung rampi ruahnak pe tu rian peh rih dingin nawl an chuah cang i, ralkap nih rampi ruahnak pe tu Daw Aung San Suh Kyi zuung cu February thla an rak hrawh piak dih.

Ralkap ca thanh chuah mi cu ” phung kalh in dirhmi CRPH le chungtel za te rampi phung onh lo rampi daihnak buaitertu le mipi fahnak pe tu an si tiah kan pom. Cu ruangah CRPH cu phungkalh in dirhmi bu a si tiah mipi kan in theihterhna ” tiah an tial.

CRPH zong nih ralkap cu phung kalh cozah,mipi pom lo mi ramleng nih pom lo mi,ralhrang bi an tiah tiah a rak thanh ve cang.

Be First to Comment

Leave a Reply

Your email address will not be published. Required fields are marked *