Ralkap Lei A Ttang Mi ,Film Star Zei Mawzat Cung Ah Hrem Nak Pek An Si Cang

A tu lio kawlram buai nak kongkau ah,ralkap lei i a ttang mi, Film star hna cu, an cungah hremnak pek an si cang tiah Myanmar Academy lei nih cun thong an thanh cang ve cang. Myanmar ram buainak ah mipi lei ttang loin dai tein a rak um sawhsawh mi Myanmar lemcangthiam minthang 7 hna cu an laksawng hngahmi Academy Award chuh piak an si tiah Academy laksawng petu phu hna nih cun an thanh.Hi an pek mi hna hi zewi tik tiang ti a um lo i, a herh ning in peh zulh asi lai .

An Chim ning ahcun kawlram buainak leiah mipi lei cawlcanghnak ah hmuh nan silo i nan hngah mi Academy laksawng nih hmuitinh mi mipi caah zohchunhtlak nan silo pinah mipi caah cathlah mi zong nan nei lo, biachimmi zong nan nei lo, Cubantuk cu mipi dirpi lo a si tikah tuni March 4 thokin Academy laksawng chuh piak than nan si pinah Myanmar zuknung pawlkomhnak phu ah zungzal hrangah phih nan si lai i nan thawngpang zeizong vialte zong hlonh piak nan si lai,” tiah an ti.

Kawlram Academy Awards laksawng an chuh than mi hna le hremmi milar 7 pawl hna cu Tun Eaindra Bo, Melody, Nandar Hlaing, Ye Aung, Soe Myat Thuzar, Soe Myat Nandar le Khan Si Thu pawl an si.Myanmar Academy Award nih cun Myanmar lemcanthiam pawl laksawng a chuh than nak cu pakhat tete in a thlah i Soe Myat Thuzar le Soe Myat Nandar te unau cu hmunkhat ah a thlah hna.

Laksawng chuh piaknak a ruang bik cu mipi leitang in cawlcanghnak an neih lo ruangah a si.The Myanmar Academy Awards nih cun hi thil hi a sawhsawh a silo i, hmailei zongah mipi lei Ttang lo mi pawl cu an laksawng chuah piak than an si thluahmah lai nak zong mipi sinah thawng an thah chih. Credit : The Myanmar Academy