Press "Enter" to skip to content

Ralkap Lei nih Fialmi Mipi Nunnak Tamtuk A That Khotu thil “Hngakchia pate” kut Chung ah an Tlaih (+Video)

Mandalay khuapi ” Thirih Mingarlar Yee ” chung ah meittek le dat-si pung he a lut i Market mei in kangh a tim tu hngakchia pa te an tlaih . Hi hngakchia pate nih hin a kut chung ah mei-ttek le datsi pung aa ken i mipi nih an zumh ning ah cun Market hi kangh ding bak in a ra ko tiah an chim . Cun hithil hi a mah lungchuak men in a si lai lo i theihlo in fialtu angei hrimhrim lai , cucu ralkap lei an si lai tiah zumhnak a um cio .

Asinain hi hngakchia pate nih hin cun bia an hal chih zong ah a hohmanh nih an ka fial lo tiah ai pheh ve peng , cupin ah market khangh zong kaa tim lo keimah herhmi a si i kai ken mi sawhsawh a si ko tiah ai pheh peng ve . Asinain atulio kawlram boruak zoh tik ah ralkap lei fialmi a si ko timi cu zapi nih zumh dih a si .

Hngakchia a si tik ah a cung ah fakpin kutthlak awk zong a thatlo caah sang khuabawi sin tu ah an ap i a herh ning in a cung ah hremnak zong pek a si te lai , cun a mah a fialtu zong mi zeidah an rak si timi theihkhawh hrimhrim ding zong in an hal chih rih fawn lai . 88 lio zong ah hin zung riantuan vialte nih an zung rian an chuahtaak i ralkap lei in zeitluk an nawl hna zong ah an duh ve hlei lo .

Culio ah cun a tu bantuk hin mipi lak ah mifir le mi sual tampi an rak i hrolhpeih ve i , mipi caah tihnung tuk a si mi mipi nih hman cuahmah lio mi tikuang (zi-kaan) chung ah ralkap lei nih fialmi pakhat nih poison a rak peih ciammam i vanthat ah cupa cu an tlaih khawh manh i mipi thin i sum kho lo in cupa cu ahngawng an rak tan ve .

Cucaah cun tutan zong ah hin mipi caah harnak a pe khotu tampi misual an chuak lai i ralkap lei nih phaisa phalh in fialmi tampi an chuak lai .Cucaah cun mino tampi nih kan chungkhar le unau tar pawl zong biatak tein ven a herhtuk caan a si fawn .

Be First to Comment

Leave a Reply

Your email address will not be published. Required fields are marked *