Press "Enter" to skip to content

Ralkap Misual Kut In A Thi Mi Kan Chin Tlangval Cung Lian Ceu Ruakvui Nak Ngeihchia Tuk E (+Video)

Nizan march 17.2021 ah Kalaymyo ah Ralkap uk duh lo nak lam a zawh mi hna cu palek le ralkap nih meithal in an kah hna ca ah Chin tlangval Salai Cung Lian Ceu a nunnak arak liam. Tuni March 18.2021 ah Salai Cung Lian Ceu ruak cu minung tampi nih mithli he an thlah.

Salai Cung Lian Ceu Cu kum 25 a si i Pu Tlang Lian Kham le Pi Van Sing Nei Par hna i an fapa a si tiah kan theih. Tu tiang ah ralkap uk nak duhlo nak langhtertu CDM mipi cu palik le ralkap nih an kah hna i minung pathum an thi cang tiah theih a si.

Minung pathum an kah mi hna chung in kan Chin mi tlangval Salai Cung Lian Ceu zawng ai tel ve. Cun pakhat deuh cu Sanmyo Barakyi kam ah mawtaw saikal in a tli cuahmah tlangval kum 19 cu ralkap nih an kah i a nunnak arak liam fawn.

Tapung ralkap nih an kah mi minung pathum hna lak ah a pathum nak cu pa tung a sii, inn chung a um lio bak ah an luhhnawh riangmang i thilak in an kah tiah Tahan khua mi nihcun an chim. Salai Cung Lian Ceu ruakvui lionak Video Link

Tapung ralkap pawl an cawlcangh ning zoh lengmang tik ah mipi sandahpiah tu pawl hna khi meithal hmang in hrodaih an timh hna tihmi cu fiang tein hmuh khawh a si. Hmanh sehlaw sandahpiahtu mipi nih thih lai zawng ruat kho ti lo in heh tiah sandahpiah nak an nei thiam.

Be First to Comment

Leave a Reply

Your email address will not be published. Required fields are marked *