Press "Enter" to skip to content

Ralkap Nih An Palai Ding Ah Israel Mithiam Afi Benh Menashe Cu Phaisa Tampi Phalh In An Hlan I Khuakhan Nak Zong Felfai Ten An Nei Cang

Myanmar ralkap nih ramdang ah anmah dirpitu dingin Isreal le Canada miphun Ari Ben-Menashe cu phaisa in an hlan i biaceih khuakhan nak femten an nei cang tiah Reuters thawngthanh nak ah an langh ter. Ralkap nih ralthuam hmangin nawlneih nak an lak nak kongkau ah vawlei cung ram tampi nih cun, Myanmar ralkap cu sual an phot tuk hna i, nawlneih naak cu thim nak i a tling mi sinah pekthan dingin le tleihkhih a tong mi pawl cu an thlah dih cang nak hnga nor cuahmah lio an si.

Cu bantuk dirhmun ah Myanmar ralkap nih Israel le Canada miphun Ari Ben-Menashe cu anmah dirpitu dingah an lak ih annih nih cun Myanmar ralkap i thatnak le an thilti nak ah palhnak an neih lo nak kong pawl cu vawlei cung ram kip ah chim in an dirpi hna lai tiah thawngtheih a si.

Ari Ben-Menashe cu vawlei cung ah Zambia ram President Robert o le Sudan ralkap hruaitu pawl dirpitu dingah an rak hlan cang mi a si i Myanmar ralkap nih amah rem lo,mawhthluktu ram pawl chimchawn dingah Ari Ben-Menashe cu chawva he remnak a tuahpi mi a si.

Ari Ben-Menashe cu Myanmar ram Naypidaw khawpi ah kal in ralkap chiah thar mi humhimtu vuanci Mya Htun Oo he ai tong mi an si i ,tu ahcun S.Korea ram a phan cang. Ramdang nih Myanmar ralkap an hremnak pawl pelh than dih dingin hlawhtling tein an tuah khawh asiah cun, ralkap nih Ari Ben-Menashe cu laksawng an pek lai. Tuitan ah ralkap nih amah an hlan man hi phaisa zeizat dah an pek lai, biaceih khuakhan ti nak long an nei timi a si loh.

Ari Ben Menashe cu Iran ram chuak Israel miphun Canada ah um mi a si i Israel Military Intelligence Directorate timi hna cu 1977 kum 1987 tiang a rak tlai mi a si. 1989 kum ah a thli tein Military Aircaraft cu Iran ah zuar a timh i an tleih hnuah thawng zong a rak tla bal mi a si. Arabic Persian le mirang holh thiam a si i Dickens & Madson company neitu a si.

UN nih 20017 kum ah Bangladesh i a zam mi Myanmar Rohingya miphun pawl cu Myanmar ah kirthan dingin tan a lak lio ah Saudi Arabia le UAE cu Myanmar lei tang dingah a rak bawm cang mi a si ti zong an theih. ( Reuters )

Be First to Comment

Leave a Reply

Your email address will not be published.