Press "Enter" to skip to content

Ralkap Nih Uknak A Lak Paoh Ah Hriamtlaih A Duhmi Chin Miphun Kan Dothlennak Tuanbia Ai Dawh A Herh.

Ralkap Nih Uknak A Lak Paoh Ah Hriamtlaih A Duhmi Chin Miphun Kan Dothlennak Tuanbia Ai Dawh A Herh.
====================================

Kawl ralkap nih Myanmar ram uknak hramhram in a lak cu a voithumnak a si cang.A voikhatnak bik 1962 kum ah Chin hruaitu hna nih hriamnam in an rak doh hna nain caan sau a nguh lo.1988 ah Chin Sianghngakchia pawl nih hriamtlaih in dothlennak lampi cu an i thim tthiamtthiam.. Tutan 2021 a voithumnak zong ah Myanmar ram pumpi in mino le Sianghngakchia hna nih hriamtlaih in dothlennak lam cu i thim ding in kar an hlang cang.(An thi a lin).

Cu tluk in Mino hna nih riamtlaih in dothlennak tuah an duh lio ah kan nih Chin mino hna teh zeitin kan cawlcangh la..A rak umciami CNF/A ah Chin mino dihlak an i bung kho dih la maw?A siloah a dang tein dah hriamtlai an dirh lai dah?Chin miphun ”I funtom caan a za cang” hi lio ah zeitin dah a ttha bikmi lam in rian kan ttuan khawh la?.

#1962 Chin Revolution (Dothlennak)

Nay Win( NeWin) nih hramhram in uknak a lak caah cu lio Chin Party a rak simi (CNO) Lutlai simi Pu Hrang Nawl Doh- Buhmuci Sun Khaw Pau le Pu Sun Cin Lian hna nih 1964 tluk ah β€œAnti-Communist Freedom Organization ” cu an rak dirh i Mizoram ramri hrawng ah Hriamtlaih in dothlennak an rak tuah.Cu lio ahcun Chin ramchung palik sakhan le i kahnak a rak um lengmang ko nain India Cozah nih hruaitu pawl cu tlaih in NeWin cozah sin ah a kuat hna caah an chunmang cu an rak tlamtlinh kho lo.

Cun 1970 hrawng ah MP Pu Mang Tling le William Sa Lian Zam nih Thailand ramri ah β€œChin Democracy Party”(CDP) cu an rak dirh i β€œChin Defense Army”(CDA) zong thazang 150 tluk in an rak dirh chih.A sinain Chinram chung i hmunkhuar ding ah Shan _Kachin le Naga tlangtluan hna pal in ke in an ra i kumkhat deng an rau.Chinram Sizin pawng NeWin ralkap nih an rak kah hna i an bu in an rak hlawm hna cu caah a voihnihnak Chin Dothlennak chunmang cu a lo tthan.

#1988 Chin Miphun Nawlnolh In Dothlennak #

Kan hngalh cio bang 1988 kum ah Bohmuci Saw Mawng nih hramhram in umnak cu a lak ve( A voihnihnak) 88 buainak ah ai telmi Chin Sianghleirun Sianghngakchia pawl hruainak in hriamtlaih in Chin Dothlennak ”Chin National Front / Army(CNF/A) cu an dirh tthan.Hi lio ahhin Lamzawh in dai tein dothlennak tuahnak in a si khawh tilo caah Sianghleirun sianghngakchia hna nih duh zong duhlo zong ah hriamtlaih hi an rak i thimmi asi.(Thimding dang lam a umlo.)Cun 1990 kum thimnak phichuak cu ralkap nih an cohlan duhlo caah β€˜Mara People Part”(MPP) cheukhat cu India ramri hrawng ah hriamtlaih in dothlennak an rak tuah nain sau rau loin an lo tthan colh.
Zomi National Congress (ZNC) in MP Pu Thang Lian Pau hruainak ZRO/ A hriamtlai cu India ramri ah hmunkhuar in dothlennak an tuah i India ramri vengtu (BGF) hna khi an lo thulh.Atu tiang an thazaang a tthawng peng.

#2021 Ralkap Uknak le Chin Miphun Dothlennak #

Min Aung Hlaing nih uknak a lakmi dohkalh nak cu Chinram lawng si loin Myanmar ram pumpi in tuah cio a si.Chinram khuapi kip le khuate dangdang hna zong nih tuah a si i.Cu duhlonak langhter in lamzawh cu ralkap thangzang hmang in kham le dum le dawi le thahnawn a si caah Chin mino tampi hna cu ramtang ah an zaam hna.

Tutan ralkap uknak lakmi hi 1962 le 1988 ah a cang ciami a si bang hriamtlaih in Chin Dothlennak a tuah cangmi CNF/A sin ah mino an kal pah cang tiah theih a si.Ngeihchia ngai pakhat a simi balte cu cheukhat mino nihcun a dang tein Hriamtlai Phu dirh a duhmi an um pah timi theih asi.

Ralkap nih uknak lak paoh ah hriamtlaih in dothlennak tuah hicu phunglam bantuk ah a tla ko cang.Cu caah Hriamtlaih in Chin Miphun min in dothlennak a tuahtu CNF/A zong an um ko Cun tulio hi Chin Miphun kan lungrualnak ding ah fakbik in i zuam lio caan a si pin ah Chin Party 3 hna zong Chin mipi nih fialnak ruang ah Party pakhat in dir a si cang caah ”Chin” timi min in Hriamtlai phu dang um ti loin ”A tthawng in a nganmi Hriamtlai phu pakhat lawng um ding hi kan i tinhmi siko seh.

Cucaah CNF/A chung zong ah thlennawnnak tampi tuah ding in ruahnak peknak cakuat zong a phan len tiah theih a si.Organization kip in hruaitu pawl zong ceihhmainak an ngei tiah theih a si fawn. Cu caah Chin timi min in Hriamtlai a tthawngmi pakhat kan ngeih khawh nak hnga lungsau thinfual in rianttuan a herh.

Miphun pakhat chung ah hriamtlai pakhatnak tam a um a tthat lonak cu kan hawi tlangcung hriamtlai pawl (Hriamtlai pakhatnak tam umnak)Shan.. Kayin.. Naga :etc zoh hna tik ah zeitluk in anmah le anmah an rak i kah le an rak i thahnawn kha hmuh a siko.. Cu caah miphun pakhat chung ah hriamtlai 2 um ahcun i remlonak i i tukkah nak chuah ding hi 99% a si..

Cucaah khatlei le khatlei in kan peng kan tlang ee kan party policy ee timi pawl kan hmuhning kan pomning aikhat lomi pawl kha chiah tak in le khat le khat i theihthiam nak he..

β€œMiphun pakhat ah Hriamtlai Pakhat” tu serding hi kan chunmang si hram ko hna seh.

#Chin Miphun Kan Dothlennak Tuanbia I Dawh Hram Seh.#

Ref: Chin World(Salai Thawng)
Translator: : Salai Simon AN.
Crd: Chin Post

Be First to Comment

Leave a Reply

Your email address will not be published. Required fields are marked *